Lisboa.10/05/2016(FDCH)Universidade Nova Lisboa pronto atu fó asistensia iha lingua portuges ba kandidatu Bolseiru Timór-oan ne’ebé tuir planu sei estuda iha Universidades iha Portugal.

Tuir  Sekretáriu Ezekutivu FDCH Sr. Isménio Martins da Silva hateten katak nia parte hasoru ona diretora lingua hodi koalia kona-ba kursu preparatóriu ba kandidatu bolseiru ne’ebé atu estuda iha Portugal sei tuir kursu lingua durante fulan tolu hafoin fahe ba kada universidade iha Portugal.

Kursu lingua portuges iha Universidade Nova Lisboa nudar meius ida atu halo preparasaun diak ba kandidatu bolseiru entermus lingua no koñesimentu baziku molok hahu tinan akademiku iha universidades Portugal.

“Universidade Nova Lisboa hanesan mós universidade ida ne’ebé ho kualidade diak entermus de sira fornese kursu lingua portuges ba ita nia kandidatu bolseirus sira ho kustu ida ne’ebé razoavel no kustu ida ne’ebé diferente kompara ho universidade sira seluk iha Portugal mas nafatin ho kualidade hanesan”. Tenik sekretáriu Ezekutivu FDCH Sr. Isménio Martins da Silva

Enkuantu Adidu Edukasaun RDTL iha Portugal Sr. Rojer Rafael Soares haktuir katak durante ninia mandatu esforsu makas hodi énfase kursu lingua portuges ba bolseiru sira liu husi universidades iha portugal ne’ebé ho kustu razoalvel maibe kualidade  diak.

Ho nune’e maka prepara ona koperasaun ho universidade Nova Lisboa atu iha faze dahuluk ne’e sei hahú kursu lingua portuges ba kandidatus bolseirus hamutuk nain 40 durante fulan tolu.

Partisipa iha reuniaun ne’e mak hanesan Sekretáriu Ezekutivu FDCH Sr. Isménio Martins da Silva, Adidu edukasaun RDTL iha Portugal Sr. Rojer Rafael Soares, reprezentante Gabinete Bolsa Estudu Ministériu Edukasaun RDTL Sr. Guilherme Cardosu, Konsultora Téknika FDCH Sra. Ana Paula dos Santos no  Diretora Kursu Lingua Portuges ba estranjeiru Universidade Nova Lisboa Sra. Maria Teresa Lino.

Related Post :


Total Viewer : 2309 Views || Category: Notisia