Díli,11/07/2019, Ekipa ida hosi University of the Thai Chamber of Commerce (UTCC) Tailándia ne’ebé lidera hosi Diretóra Programa, Wasinee Thammasiri PhD hasoru malu ho Sekretaria Ezekutiva Fundo de Desenvolvimento Capital Humano FDCH, Interina Sra. Leila Carceres dos Santos iha edifísiu FDCH, iha Placio do Governo.
Enkontru ne’e hodi ko’alia kona-ba posibilidade kooperasaun UTCC ho FDCH iha futuru liga ba programa bolsa estudu nian no solisita mós FDCH atu promove programa universidade nian iha area importante sira hanesan; Jestaun no lojistiku, Jestaun turizmu, Siénsia no Administrasaun ba Negósiu.
Tuir dadus ne’ebé iha durante ne’e timoroan na’in 5 mak hala’o ona sira ninia estudu iha UTCC Tailándia no hetan ona graduasaun.
Entretantu enkontru ho universidade ne’e partisipa mós hosi koordenadór GAGESI-FDCH Sr. Henrique do Rosario no partisipa mós, Sr. Rosito da Neves ne’ebé reprezentante hosi Unidade de Cordenação de Apoio aos Estudantes UCAE-MESCC. (Média FDCH)