Ministério da Educação Superior, Ciência e Cultura (MESCC) liuhusi Fundo de Desenvolvimento do Capital Humano (FDCH) informa ba publiku katak Fundasaun Macau liu husi programa Macao Foundation Scholarship For Asian Students 2023/2024 oferese bolsa estudu ba Timoroan nain neen (6) ne’ebé iha kualifikadu akadémika atu kontinua estudu iha nível estudu Lisensiatura (Bachelor’s Program), iha instituisaun ensinu superiór tolu iha Macau mak hanesan: University of Macau, Macao Polytechnic Institute, Macao Institute for Tourism Studies.

Kriteria elijibilidade atu konkore  ba bolsa refere mak hanesan:

1. Tenki sidadaun Timor-Leste no Rezidénsia iha Timor-Leste;
2. Idade mínimu tinan 17 no másimu 25;

3. Iha kondisaun saúde ne’ebé permite atu halo estudu iha rai-li’ur;

5. Iha maturidade no kapasidade atu hala’o moris independente iha rai-li’ur;
6. La iha rejistu kriminál husi tribunál kontra kandidatu;
7. Konkluzaun nível ensinu sekundáriu ka ensinu tékniku vokasionál ka ekivalente;
8. Kandidatu tenki iha performansia akadémika ne’ebé iha kualifikasaun ba Melhores Estudantes); aprezenta diploma originál;
9. Kandidatu iha abilidade kompreende, koalia no hakerek iha lian Ingléz no aprezenta sertifikadu IELTS (ou TOEFL);
10. Kandidatu tenki aseita bolsa estudu no prontu ba eskola bainhira liu ona ba vaga bolsa estudu husi Fundasaun Macau;

Dokumentu ba aplikasaun mak hanesan:

1. Formuláriu Aplikasaun ne’ebé emprime ona, hafoin priense formuláriu no submete dokumentu aplikasaun liuhusi on-line, entre ida husi universidade tolu ne’ebé temi iha leten, ho área estudu preferénsia ne’ebé disponivél;
2. Kópia Diploma konkluzaun Ensinu Sekundáriu akompaña ho tradusaun iha lian Ingléz no tenki legalizadu husi Ministériu Edukasaun;
3. Kópia Notas Exame Real akompaña ho tradusaun iha lingua Ingléz no tenki legalizadu husi Ministériu Edukasaun;
4. Kópia Kaderneta Eskolar Ensinu Sekundáriu nian sira hotu husi 10.º, 11.º to’o 12.º no tenki legalizadu husi Ministériu Edukasaun;
5. Kópia sertifikadu kursu lian Ingléz husi IELTS (validu) ou TOEFL;
6. Kópia Sertidaun RDTL akompaña ho tradusaun iha lian Ingléz no autentikadu husi Ministériu Justisa;
7. Kópia Buletin Rejistu Kriminál akompaña ho tradusaun iha lian Ingléz no legalizada husi Ministériu Justisa;
8. Kópia Bilete Identidade no pájina identifikasaun Passaporte RDTL ho validade mínimu tinan 5 husi loron aplikasaun;
9. Kópia Kartaun Eleitorál inan-aman husi aplikante;
10. Kopia Sertifikadu Vasinasaun kontra Covid-19
11. Kopia Sertifikadu Vasinasaun kontra Febre-Amarelha husi HNGV (kópia 1); (bainhira liu ona bolsa);
12. Atestadu Médiku (Análiza Serolójia) husi doutór husi HNGV; (bainhira liu ona bolsa);
13. Deklarasaun kompromisu asina husi estudante ho nia títulu “Declaração Aceita a Bolsa de Estudo de Fundação Macau”, ne’ebé kompromete aseita bolsa estudu no prontu atu ba eskola. (asinatura orijinál no uja lian Portugéz); (bainhira liu ona bolsa);

Prosesu Aplikasaun

• Inskrisaun sei halo liuhusi on-line iha website ofisiál husi ensinu superiór tolu refere no tenke submete dokumentu aplikasaun sira no SELU TAXA inskrisaun iha tempu, tuir kritéria husi lnstitusaun hirak ne’e:
  • University of Macau, umac.mo
  • Macao Polytechnic Institute, ipm.edu.mo
  • Macao Institute for Tourism Studies, ift.edu.mo
• Bele mai diretamente haree iha Departamentu Bolsa Estudu – FDCH nian iha Edifício de MF. Edifício 5. 1º Andar, Palácio do Governo, Díli, Timor-Leste iha oras servisu nian no hatudu dokumentu orijinál tuir rekezitu sira iha leten.
• Favor visita mos website husi Direção dos Serviços do Ensino Superior de Macau. dses.gov.mo
• Dokumentu aplikasaun sira hotu sei submete mai iha FDCH-MESCC ho exemplár 1 (legalizadu no autentikadu hotu ona)
• Data ikus atu hatama dokumentu aplikasaun nian mai FDCH-MESCC maka antes Loron 25 Agostu 2023.
• FDCH-MESCC sei halo selesaun ba kandidatu sira ne’ebé priense rekezitu hodi rekomenda ba Fundasaun Macau antes loron 31 Agostu 2023.

Dili, 20 Jullu 2023

Related Post :