Díli,08/07/2020, Comissão da Função Publica (CFP), Instituto Nacional Administração Publica (INAP)  ho Fundo de Desenvolvimento do Capital Humano  halo dizeminasuan dekretu Lei n. 13/2020, 15 de Abríl, Regulamentu FDCH nian  ne’ebé atribui mós kompeténsia ba CFP ho INAP  ba diretór jerál, Diretór Rekursus umanus  no pontu fokál sira  Liñas Ministeriais (LMs) no Instituisaun estadu akreditadu sira, iha salaun enkontru Ministériu Saúde, Palacio das Cinzas, Caicoli.

Dizeminasuan ne’e realiza tanba dekretu Lei n. 13/2020, 15 de Abríl ne’ebé hetan ona promulgasaun husi Prezidente Republika no publika ona iha Jornál da Repúblika  iha artigu 19, 20,  21 fó kompeténsia ba CFP ho INAP mak atu  verifika planu ba  programa formasaun no bolsa estudu sira liña ministeriais  no instituisaun estadu nian sira molok submete mai iha FDCH.

Durante dizeminasaun Diretora Ezekutiva  FDCH Sra. Leila M.L. Carceres dos Santos, Diretór INAP no Diretór Formasaun INAP hala’o  mós aprezentasaun kona-bá papél servisu ida-idak nian  durante ne’e no mós mudansa tarefa servisu ne’ebé sei hala’o iha tinan 2021 relasiona ho dekretu Lei nú.  13/2020, 15 de Abríl, Regulamentu FDCH nian.

Akompaña Diretora Ezekutiva partisipa iha eventu ne’e maka Koordenadór GAPPEFIV-FDCH Sr. Hermenegildo da Silva, Asesora Téknika FDCH Sra. Ana Paula dos Santos, xefe departamentu DESTI Sr. Ivo J. Belo, Jurista FDCH Sr. Atanásio Soares no ekipa tékniku. (Média­_FDCH )

Related Post :


Total Viewer : 85 Views || Category: Notisia