Dili, 01 Dezembru 2023. Diretór Ezekutivu ba Fundo de Desenvolvimento do Capital Humano (FDCH), Júlio Aparício akompaña hosi Diretór Nasionál no Asesor sira realiza enkontru ho Embaixadór Brazil ba Timor-Leste Sr. Mauricio Medeiros de Assis ho ekipa iha gabinete Diretór Ezekutivu FDCH, iha Palacio do Governo.
Objetivu hosi enkontru ne’e hodi ko’alia kona-ba kooperasaun entre FDCH ho Embaixada Brazil iha Timor-Leste liga ho programa bolsa estudu ne’ebé Governu Timor-Leste oferese ba timoroan sira hodi ba hala’o estudu iha universidade públiku sira iha rai Brazil, alende ne’e koalia mos kona-ba prosidementu no regras ba estudante timoroan sira ne’ebé iha tempu besik sei ba hala’o sira nia estudu iha país amigu ne’e.
Brazíl nu’udar país amigu ne’ebé durante ne’e apoiu maka’as ba dezenvolvimentu rekursu umanu Timor-Leste nian hodi fornese mós bolsa estudu oi-oin ba timoroan sira hodi ba hasai sira nia kursu iha nivel oi-oin.
(Média_FDCH)