Dili, 09 Fevereiru 2024 . Diretór Ezekutivu ba Fundo de Desenvolvimento do Capital Humano (FDCH), Júlio Aparício akompaña husi Diretór Nasionál Koordenasaun Ezekusaun ba Programa, Projetu no Jestaun ba Sistema Informasaun(DNCEPPGSI-FDCH), Francisco da S. Sarmento, Assessora Téknika FDCH, Ana Paula dos Santos no Tékniku Espesializadu Operasionál, Rogerio Inacio Sequeira Miranda Lay, partisipa iha seremónia abertura no entrega sertifikadu ba formandu sira programa kursu lian portugés ba dosente universidade no instituisaun ensinu superiór privadu (IESP), iha auditorium Arquivo no Museu da Resistência Timorense(AMRT-IP) Formosa 4.
Abertura ba formasaun ne’e loke direita husi Ministru Ensinu Superior Siénsia no Kultura, José Honório da Costa Pereira Jerónimo no hetan partisipasaun masimu husi dirijente sira husi instituisaun tutela sira MESCC nian no MPIE.
Diretór ezektivu FDCH, ne’ebé reprezenta Ministru Planemanetu no Investimentu Estratéjiku (MPIE) iha nia diskursu hateten, FDCH prontu no kontinua finansia programa no atividade formasaun lian potugés hodi hasa’e dosente sira ninia kapasidade iha lian Portugés molok asesu ba programa bolsa estudu ba dosente ne’ebé FDCH implementa hodi hala’o sira nia estudu iha Comunidade Pais Lingua Portuguesa(CPLP) liu-liu iha Portugál ho Brazil.
Aleinde ne’e Deretór Ezekutivu dezafia formandu sira atu bele aproveita tempu ne’e ho di’ak,tanba formasaun mai husi lia-fuan Forma no Asaun ne’e signifika depois tuir formasaun ita kontinua transforma fali matenek ne’e ba ema seluk “O mak hakarak, o mak tenke hakotu”.
Benefisiariu bolseiru bolsa dosente ne’ebé FDCH finansia, daudaun ne’e ativu hela sira ninia estudu iha universidade sira iha Brazil ho Portugal hamutuk 44 ho nivel estudu mestradu no doutoramentu iha area-oi-oin.(Média-FDCH)