Díli, 24/07/2020 Diretora Ezekutiva Fundo de Desenvolvimento do Capital Humano (FDCH) Sra. Leila M.L Carceres dos Santos sai sasin (Testemuña ) ba asinatura Nota Entendimentu entre Universidade da Paz (UNPAZ) ho Instituto Nacional de Ciência e Tecnologia (INCT) ne’ebé realiza iha Salaun Post Graduasaun Universidade da Paz.

Nota entendimentu ne’e rasik asina direita hosi Magnifiku Reitor UNPAZ Dr. Adolmando Soares Amaral ho Prezidente INCT Dr. Jose Cornelio Guterres.

Liuhosi estabelesimentu Nota Entendimentu ne’e UNPAZ ho INCT sei servisu hamutuk iha area importante sira hanesan halo peskiza sientífiku no fó formasaun ba dosente sira iha area peskiza nian no rezultadu peskiza sei publika iha jornál nasionál sientífiku ne’ebé sei estabelese hosi INCT.

Akompaña Diretora Ezekutiva partisipa iha eventu ne’e Koordenadór Gabinete de Gestão e Sistema de Informação (GAGESI –FDCH) Sr. Henrique do Rosário ho husi parte INCT partisipa mós hosi Vise Prezidente INCT Sr. Afonso de Almeida , husi parte universidade nian partisipa mós hosi Senadu Universidade no Dekanu Fakuldade, Xefe Unidade sira no Estudante sira. (Média_FDCH)

Related Post :


Total Viewer : 1414 Views || Category: Notisia