Díli, 29/01/2020, Diretora Ezekutiva Fundo de Desenvolvimento do Capital Humano (FDCH) Sra. Leila M.L Carceres dos Santos simu iha ninia gabinete ekipa husi Embaixada Estadus Unidus Amérika (EUA) iha Timor-Leste ne’ebé kompostu husi Sr. Charles Hornstra, nudár Regional Advising Coordinator (REAC), Sra. Catherine Kazmirski nudár Acting Public Affairs officer no Sr. Leopoldo Gusmão nudár public Diplomacy assistant US Embassy In Timor-Leste.
Objetivu vizita ekipa ne’e mai FDCH hakarak rona informasaun kona-bá investimentu iha Rekursus Umanus (RU) iha Timor-Leste no partilla mós informasaun kona-bá Bolsa Estudu Estadus Unidus Amérika nian hodi bele fó apoiu ba dezenvolvimentu rekursus umanus iha Timor-Leste.
Durante Sorumutu ne’e FDCH aprezenta mós FDCH ninia papel no sistema Beneficiary Management Information System (BMIS) ne’ebé grava dadus hotu-hotu liga ba benefisiariu sira iha programa bolsa estudu no formasaun ne’ebé durante ne’e FDCH finansia, Sorumutu ne’e rasik la’o durante oras ida nia laran ne’ebé hetan mós partisipasaun husi koordenador no Xefe Departamentu sira FDCH nian, no enkontru ne’e rasik realiza iha salaun Knowledge Centre FDCH iha Palacio do Governo.
Iha futuru REAC no FDCH sei haree posivilidade kooperasaun hodi haree ba programa bolsa estudu ne’ebé USA oferese ba timoroan sira hodi apoiu ba dezenvolvimentu rekursus umanus iha Timor-Leste nian. (Media_FDCH)