DÍLI, 20/07/2020, Asesora Teknika Sékretariadu Tékniku Fundo de Desenvolvimento do Capital Humano (ST-FDCH) Sra. Ana Paula dos Santos ho Jurista Sr. Atanásio Soares konvoka Encontro de Trabalho Sobre Custo de Vida ba Bolseiros ho Liña Ministeriais (LMs) no Instituisaun Estadu Akreditadu sira ne’ebé ninia bolseirus hala’o estudu iha rai-li’ur .

Objetivu hosi enkontru ne’e hodi halo diskusaun oinsá bele harmoniza kustu hotu-hotu bolseiru sira nian, hanesan Custo de vida, custo saúde, custo didático no Custo Pequisa bazeia ba saláriu mínimu kada nasaun destinadu hodi sai hanesan padraun ba Liña Ministériu no instituisaun estadu akreditadu hotu.

Analiza ba kustu moris bolseiru sira nian ne’e realiza bazeia mos  ba baze legal Dekretu Lei no 13/2020, 15 de Abríl iha artigu 3 no 2 alinea a “asegurar o financiamento do investimento público a formção e desenvolvimento do recurcos humanos nacionais”.

Enkontru ne’e rasik iha parte dader hala’o iha salaun Knowledge Center FDCH no iha parte loro-kraik hala’o iha salaun enkontru MESCC iha Colmera.

Durante diskusaun diretór rekursus humanus  Diretór Jerál husi LMs no instituisaun estadu akreditadu sira konkorda atu harmoniza kustu moris ba bolseiru sira no sujere FDCH atu kria padraun ida  hodi hato’o fali ba LMs no instituisaun estadu akreditadu sira atu haree hamutuk molok aprezenta ba Conselho de Administração FDCH hodi  hetan aprovasaun.

LMs ho Instituisaun estadu akreditadu mai FDCH hahú hosi 2011 to’o mai ohin loron  hamutuk 52  no hosi númeru ne’e iha LMs ho instituisaun estadu hamutuk 18  mak organiza programa bolsa estudu ba públiku timoroan no funsionáriu públiku  sira.

Tuir dadus ne’ebé FDCH iha to’o ohin loron programa bolsa estudu rasik ho ninia benefisiariu hamutuk 5254  husi númeru ne’e kuaze porsentu 80  (80%) mak termina ona sira ninia estudu no hela porsentu 20 (20%) mak sei ativu hodi hala’o sira ninia estudu iha universidade akreditadu sira iha rai-li’ur nomós rai-laran. (Média_FDCH)

Related Post :


Total Viewer : 151 Views || Category: Notisia