Dili, 04 Dezembru 2023. Sua Exelensia Ministru Planemantu no Investimento Estratéjiku (MPIE), Eng. Gastão Francisco de Sousa realiza enkontru jerál ho Diretór Ezekutivu, Dieretór Nasionál, Xefe Departamentu no funsionáriu sira ne’ebé hala’o kna’ar iha Sectretariado Técnico Fundo de Desenvolvimento do Capital Humano (ST-FDCH), iha Palacio do Governu.
Ministru Planeamentu no Investimentu Estratéjiku (MPIE) núdar mós Prezidente Konsellu Admistrasaun ba FDCH, Eng. Gastão Francisco de Sousa husu ba funsionáriu hotu atu kontinua servisu ho responsabilidade hodi jere osan povu nian ho di’ak no iha tempu besik sei halo re-estruturasaun.
Tuir Ministru ohin loron iha buat barak mak tenke hadi’a, hanesan rekezitu sira kona-ba bolsa estudu nian no asuntu importante sira ne’e entrega ba Diretór Ezekutivu ho lideransa foun sira sei mai hodi servisu hamutuk ho asesor legal sira iha MPIE hodi bele hadi’a ho di’ak liutan.
      
Enkontru Jerál ho Exélensia MPIE ho ST-FDCH ne’e hahú ho introdusaun husi Diretór Ezekutivu FDCH, Júlio Aparício no Tékniku Espesializadu, Hermenegildo da Silva kon¬a-ba perfil FDCH ne’ebé daudaun ne’e ejiste ho diresaun lima (5) no natureza servisu sira ST-FDCH nian, progresu servisu sira ne’ebé FDCH iha no Dezafiu sira ne’ebé FDCH hasoru durante ne’e.
Partisipa iha reuniaun ne’e asesór sira husi MPIE, Diretór Ezekutivu FDCH, Diretór Nasionál sira, Xefe Departamentu no Funsionáriu sira ne’ebé hala’o kna’ar iha ST-FDCH. (Média-FDCH)

Related Post :


Total Viewer : 223 Views || Category: Notisia