Dili, 17 Agostu 2023, Konsellu Administrasaun ba v do (CA-) ba -23 I ́ hodi halo diskusaun kona-ba dezenvolvimentu rekursu umanu Timor-Leste nian, iha sala enkontru MPIE, Fatuhada.

Enkontru (CA- FDCH) ba dahuluk iha Governu Konstitusionál da-sia (IX) ne’e prezide husi Sua Exelensia Prezidente Konsellu Administrasaun FDCH no Ministru Planeamentu Investimentu Estratéjiku (MPIE), Eng. Gastão Francisco de Sousa , iha ne’ebé partisipa mós husi membru permanente CA-FDCH nian hanesan Sua Exelensia Ministru Justisa (MJ) Sr. Amãndio de Sá Benevides, Sua Exelensia Ministru Ensinu Superior, Siénsia no Kultura (MESSK) Sr. José Honório da Costa Pereira Geronimo, Sua Exelensia Ministru Petróleu no Rekursu  Minerais (MPM), Sr. Francisco da Costa Monteiro no Sua Exelensia Sekretariu Estadu Formasaun Profisionál no Empregu(SEFOPE), Sr. Rógerio Araújo Mendonça.

Enkontru Konsellu Adimistrasaun FDCH ne’e, hahú ho aprezentasaun husi Diretór Ezekutivu FDCH, Dr. Cristóvão dos Reis kona-ba taxa ezekusaun Orsamentu Jerál Estadu (OJE) 2023-Livru -6 hahú husi Janeiru-Jullu tuir programa kada instituisaun governu no estadu sira ne’ebé akredita mai FDCH, no aprezenta mós ba CA-FDCH proposta orsamentu FDCH ba 2024 ne’ebé liña ministeriál no instituisan estadu akreditadu sira submete ona mai Sekretariadu Tékniku FDCH.

Aleinde ne’e aprezenta mós dadus benefisiariu programa bolsa estudo ne’ebé FDCH finansia ba foinsa’e timoroan sira hahú husi 2011 to’o 2023 hodi ba hala’o estudu iha universidade no instituisaun ensinu superior sira iha rai-laran no rai-li’ur ba prezidente CA-FDCH ho membru permanente sira.

Hafoin aprezentasaun, Prezidente Konsellu Administrasaun ho membru permanente sira halo apresiasaun ba ezekusaun orsamentu FDCH nian no proposta orsamentu 2024 ne’ebé liña ministeriál no instituisaun estadu akreditadu sira submete mai iha Sekretariadu Tékniku FDCH.

Enkontru Konsellu Administrasaun ne’e termina ho aprovasaun deliberasaun kona-ba delegasaun kompeténsia Konsellu Administrasaun FDCH nian ba Diretór Ezekutivu FDCH Dr. Cristóvão dos Reis.

Partisipa mós iha enkontru ne’e Diretór Jerál INAP, Diretór Nasionál sira iha ST-FDCH, Asesor sira no kargu xefia sira husi ST-FDCH, no ekipa tékniku sira.(Média_FDCH)