Díli, 07/05/2021. Diretora Ezekutiva  Fundo de Desenvolvimento do Capital Humano (FDCH) Sra. Leila Carceres dos Santos  partisipa iha  serimónia abertura ba formasaun online iha area Food Safety Market Supervision and Quality Control for Timor -Leste  ba funsionáriu sira Autoridade de Inspeção e Fiscalização da Atividade Economia, Sanitaria e Alimentar (AIFAESA.IP) na’in  25  ne’ebé realiza iha edifísiu AIFAESA Matadoru.

Formasaun ho tipu online ne’e sei halo durante loron 15 ne’ebé fornese husi instituisaun Jiangsu Inspection and Quarantine Institute of Quality- China, no orsamentu ba formasaun ne’e finansia husi FDCH.

Iha diskursu Diretora Ezekutiva FDCH husu ba AIFAESA atu identifika programa dezenvolvimentu rekursus umanus tuir nesesidade, bazeia ba prioridade instituisaun nian no kongratula mós AIFAESA tanba nu’udar instituisaun akreditadu dahuluk ne’ebé ezekuta orsamentu iha programa formasaun téknika ba funsionáriu públiku no ajente administrativu sira.

Partisipa iha abertura ba formasaun ne’e Inspetór Jerál AIFAESA Sr. Ernesto Monteiro , Diretór Jerál  INAP Sr. Agostinho Letenco, Komisáriu Funsaun Públiku Sr. Antonio Freitas no ekipa téknika sira. (Média_FDCH)

Related Post :


Total Viewer : 894 Views || Category: Notisia