Ministério do Ensino Superior, Ciência e Cultura (MESCC) liu husi Fundo de Dezenvolvimento do Capital Humano (FDCH) informa ba publiku katak Camões – Instituto da Cooperação e da Lingua – Portugal, Ministério dos Negócios Estrangeiros, oferese bolsa estudu (6 bolsas) ba Timor oan sira ne’ebé iha potensia no kualifikadu hodi kontinua estudu ba Grau Licenciatura ba tinan akademika 2022/2023 iha universidades/instituisaun ensinu superior sira iha Portugal.

Valor Subsidiu Bolsa Estudu ba grau Licenciatura mak hanesan tuir mai:

• Subsidiu Manuntensaun (mensal) = 380,00 €
• Subsidiu Instalasaun (sei simu dala ida deit durante periodu bolsa) = 275,00 €
• Subsidiu Propina (anual) = 697,00 € (valor habitualmente cobrado pelas universidade em 2021-2022)
• Subsidiu Material Didaktiku (anual) = 165,00 €
• Subsidiu Alojamentu (mensal) = 50,00 € (se bolseiru hela iha residensia universitaria, mak sei selu tuir montante husi residensia refere no sei altera kontratu no assina kontratu)

Elijibilidadi atu bele konkore bolsa refere:

• Sidadaun Timor-Leste nian; ne’ebé la dupla sidadaun (labele iha Passaporte/BI Portuguesa ka labele iha nasionalidade Portuguesa)
• Kandidatu ho idade masimu 25 anos (antes 31 Dezembru 2022)
• Konkluzaun nível ensinu sekundáriu, kursu jerál ka tékniku vokasionál
• Tenki iha kondisaun saúde ne’ebé permite atu halo estudu iha rai li’ur
• Tenki iha maturidade no kapasidade atu halo moris independente iha rai li’ur
• Tenki iha abilidade koalia, hakerek no lee iha Lian Portuguesa
• La iha rejistu kriminál ka ezekusaun sivíl husi tribunál kontra kandidatu
• Seidauk hetan bolsa husi governu Timor ka parseiru nasaun seluk ruma.

Dokumentus aplikasaun sira ne’ebé  presija:

1. Fotokopia Passaporte (pagina identidade) validu ne’ebé notariadu orijinal husi Ministeriu Justisa. (Devidamente autentikadu husi Embaixada Portugal bainhira passa ona faze intervista)
2. Ba kandidatu ne’ebe mak sei menor idade de 18 anos, tenke submete karta prokurasaun validu ne’ebé notariadu orijinal husi Ministeriu Justisa; Karta prokurasaun tenke mensiona naran kompletu enkaregadu legal husi kandidatu nian, numeru bilete identidade, numeru kontaktu no email. (Devidamente autentikadu husi Embaixada Portugal bainhira passa ona faze intervista)
3. Fotokopia Diploma Ensinu Sekundáriu no tenke legalizadu orijinal husi Ministeriu Edukasaun, Juventude no Desporto (MEJD). Devidamente autentikadu husi Embaixada Portugal bainhira passa ona faze intervista
4. Fotokopia Kaderneta Ensinu Sekundáriu husi 10^o ano, 11^o ano no 12 ^o ano nian, no legalizadu original husi Ministeriu Edukasaun, Juventude no Desporto (MEJD).
5. Dokumentus seluk ne’ebe mak sai komprovativu ba pre-rekejitus, bainhira presiza iha kandidatu sira ba gruru C, H , I , K, M, R, S no Z (favor konfirma pre-rekejitus iha link https://www.dges.gov.pt/guias/preq.asp?plid=593
6. Deklarasaun Domiciliario husi Chefe Suco konaba kandidatu nia residente iha Timor Leste pelo menus tinan 3 (deklarasaun tenki uja Lian Portuguesa).
7. Formulariu ka Buletim kandidatura bolsa estudu Camões – Instituto da Cooperação e da Língua, I.P. nian (devidamente prenxidu no assinadu husi kandidatu rasik)
8. Deklarasaun komprimisiu de honra husi kandidatura no devidamente kandidatu rasik mak assina.
9. Deklarasaun ”Comprimisso de honra não Possuir Nacionalidade Portuguesa no devidamente kandidatu rasik mak assina. (modelu DGES)
10. Deklarasaun ”Morada Provisório em Portugal” no devidamente kandidatu rasik mak assina.
11. Deklarasaun autoriza utilizasaun dokumentus identifikasaun hanesan ba prosedimentu iha prosesu atribuisaun bolsa estudu externas Camões – Instituto da Cooperação e da Língua, I.P., ano letivo 2022/2023, no devidamente kandidatu rasik mak assina.
12. Fotokopia Sertidaun RDTL no Bilete Identidade validu ne’ebé notariadu orijinal husi Ministeriu Justisa. (Devidamente autentikadu mos husi Embaixada Portugal bainhira passa ona faze intervista)
13. Fotokopia Kartaun Eleitoral/Bilete Identidade/Passaporte/Titlu Residensia no Sertidaun RDTL (husi kandidatu nia inan-aman) validu ne’ebé notariadu orijinal husi Ministeriu Justisa.
14. Fotokopia Komprovativu grau parentesku husi inan-aman (ka Ficha Familia)
15. Sertifikadu Kursu Lian Portuguesa (vantajen ida se karik iha)
16. Sertifikadu Atestadu Mediku husi HNGV original (Analisa Serologia) validu ne’ebé notariadu orijinal husi Ministeriu Justisa (Devidamente autentikadu mos husi Embaixada Portugal bainhira passa ona faze intervista)
17. Fotokopia Buletim Rejistu Kriminal ne’ebe autentika orijinal husi Ministeriu Justisa. (Devidamente autentikadu mos husi Embaixada Portugal bainhira passa ona faze intervista)
18. Deklarasaun komprimisiu atu responsavel rasik ba kustu adisional ne’ebe maka la kobre iha bolsa estudu refere (kustu adisional mak hanesan: kustu autentika dokumentus aplikasaun iha Embaixada Portugal, kustu vistu estudu, kustu billete, kustu seguru viagem, no mos kustu balun bainhira hahu ona estudu iha Portugal)
19. Deklarasaun komprimisu sei la muda kursu bainhira hetan ona kolokasaun husi DGES Portuguesa.

Prosesu Kandidatura:

Informasaun kompletu no atendimentu prosesu inkrisaun ba bolsa bele ba direita UCAE-MESCC, Avenida Marginal Numero 4 Colmera, Dili, Timor-Leste. 

Mak nee deit, Ba ita boot sira nia atensaun ami hato’o, obrigadu wain.

Dili, 22 Juñu 2022

Related Post :