Secretariado Técnico do FDCH (ST-FDCH) nudar servisu ne’ebé fó apoiu ba iha Conselho de Administração do FDCH (CA-FDCH) ne’ebé maka integra iha estrutura orgánika Ministériu Ensinu Superiór, Siénsia no Kultura (MESCC), haktuir artigu 8.o Dekretu-Lei n.o 13/2020, 15 Abril, Regulamentu FDCH nian.
Fundo de Desenvolvimento do Capital Humano (FDCH) nia papel importante ida ma’ak kontribui no reforsa dezenvolvimentu rekursus umanus iha Timor-Leste, haktuir Planu Estratéjiku Dezenvolvimentu Nasionál (PEDN) tinan 2011-2030.
Programa VIII Governu Konstitusional liu husi Ministériu Ensinu Superior Siénsia no Kultura (Sigla MESCC) no Fundo de Desenvolvimento do Capital Humano (FDCH) oferese Bolsas Estudu ba Timor-Oan sira ho objetivu atu forma rekursus humanus ho kualidade liu husi areas estratéjiku atu kontribui ba dezenvolvimentu setór estratéjiku País nian.
Tinan 2022 Ministériu Ensinu Superior Siénsia no Kultura (sigla MESCC) no Fundo de Desenvolvimento do Capital Humano (FDCH) atribui Bolsas Estudo ba Timor Oan (La’ós Funsionáriu Públiku) hamutuk Tolu Nulu (30) ne’ebé sei kontinua ninia estudu iha Universidade ka Instituto Públiku no Privadu iha Portugal ho programa Nivel Lisensiatura (S1) nain Rua Nulu Resin Lima (25) no Nível Mestradu (S2) nain Lima (5).
Informasaun kompletu bele haree iha link ne’ehttp://www.fdch.gov.tl/wp-content/uploads/2022/01/Avizu-bolsa-meritu_Ok.pdf .