Díli, 26 Agosto 2021, Diretór Ezekutivu Fundo de Desenvolvimento do Capital Humano (FDCH-MESCC) Sr. Hermenegildo da Silva kontinua asina kontratu no entrega bolseiru Programa Bolsa Hakbi’it hamutuk na’in 50 ba Dili Institute of Technology (DIT).

Kontratu ne’e asina direita husi Diretór Ezekutivu FDCH ho bolseiru sira no hetan vistu nu’udar testemuña husi Magnifiku Reitór Dili Institute of Technology (DIT) Dr. Alvaro Menezes Amaral iha Salaun enkontru DIT iha Ai-meti laran.

Bolseiru programa bolsa hakbi’it na’in 50 ne’e sei hala’o sira ninia estudu iha DIT ho nivel estudu Lisensiatura (S1) iha area enjeñaria sivil bolseiru na’in 10, enjeñaria mekanika bolseiru na’in 10, Jestaun Hotelaria bolseiru na’in 15 no Jestaun Tour and Travel bolseiru na’in 15.

Partisipa iha serimónia ne’e Koordenadór GASEPA- FDCH Sr. Aderito Soares, Pro-Reitor sira no ekipa teknika husi ST-FDCH (Média_FDCH)