Sekretariadu Tékniku Fundu Dezenvolvimentu Kapitál Umanu servisu hamutuk ho Ministériu Administrasaun Estatal (MAE), Ministériu Edukasaun Juventude no Desportu (MEJD), Ministériu Solidaridade Sosiál Inkluzaun (MSSI) hahú simu estudante Bolsa Hakbiit no Bolsa Parsiál  atu asesu ba ensinu superiór tinan fiskál 2023. Estudante Sekundáriu Jerál no Tékniku Vokasionál ne’ebé remata ona sira nia estudu  bele bá halo inskrisaun  iha postu administrativu ida-idak nian hahú iha  loron  6 fulan  Fevereiru  tinan 2023  to’o  remata tuir númeru postu administrativu kada munisípiu.

KRITÉRIU INSKRISAUN SIRA MAK HANESAN TUIRMAI:

1. Kritériu Bolsa Hakbiit:

1. Sidadaun Timoroan;
2. Iha mínimu tinan 17 no másimu 25 ba programa  Baxarelatu no lisensiatura;
3. Klosan (feto/mane);
4. Aprezenta deklarasaun kona-ba situasaun sosiál familia ne’ebé identifika husi Xefe Suku no Ministériu Solidaridade Sosiál Inkluzaun (MSSI)
5. Kópia Diploma Ensinu Sekundáriu /Tékniku Vokasionál nian no tenke iha valór médiu mínimu 6;
6. Kópia Sertidaun moris RDTL (koloridu);
7. Kópia Kartaun Eleitorál ou Billete Indentidade (BI);
8. Prienxe formuláriu bolsa hakbiit iha loron inskrisaun.

1. Kritériu Bolsa Parsiál:
2. Sidadaun Timoroan;
3. Iha tinan(idade) másimu 23 ba programa lisensiatura;
4. Klosan (feto/mane);
5. Kópia Diploma Ensinu Sekundáriu/Tékniku Vokasionál nian no tenke iha valór médiu mínimu 7,50;
6. Kópia Sertidaun moris RDTL (koloridu);
7. Kópia Kartaun Eleitorál no Billete Indentidade (BI);
8. Fogragrafia 3×4 tahan ida (koloridu);
9. Kandidatu bolsa parsiál tenke remata ninia estudu sekundáriu  iha tinan  2022;
10. Prienxe formuláriu inskrisaun bolsa parsiál FDCH iha loron inskrisaun;

ÁREA ESTUDU SIRA MAK HANESAN:

1. Siénsia Jurídikas;
2. Siénsia Edukasaun;
3. Siénsia Médikas;
4. Enjeñaria;
5. Siénsia Sosiais.

Importante:

1. Kandidatu estudante BOLSA HAKBIIT no BOLSA PARSIÁL hotu-hotu  tenke  halo inskrisaun iha ida-idak nia  Postu Administrativu.
2. Sei la atende ba kandidatu ne’ebé halo inskrisaun la tuir Postu Administrativu.

Asesu mos dokumentu pdf iha ne’e http://www.fdch.gov.tl/wp-content/uploads/2023/01/AVIZU-FDCH-23.pdf

Dili,   17  Janeiru 2023

Related Post :