Porto, 5 Dezembru 2022. Diretór Ezekutivu Fundo de Dezenvolvimento do Capital Humano (FDCH), Dr. Cristóvão dos Reis asina akordu kooperasaun ho Reitor da Universidade do Porto, Professor António de Sousa Pereira iha salaun Reitoria.
Partisipa iha serimónia asina akordu kooperasaun ne’e, Adidu Edukasaun ne’ebé reprezenta Ministériu Ensinu Superior, Siénsia no Kultura Timor-Leste ba Portugal, Sr. Natalino de Jesus Gusmão Soares, Koordenadora Lian Português ba Programa Bolsa Estudu husi ST-FDCH, Sra. Suzana Mendonça no Xefe Departamentu Rekursus Umanus ST-FDCH nian, Sr. Virgilio Ramos da Costa.
Objetivu prinsipal husi asina akordu kooperasaun ne’e ma’ak atu loke dalan ba estudante Timor oan sira hodi mai hala’o estudu iha universidade refere no sai hanesan enkuadramentu legal ida ba FDCH hodi prosesa pagamentu hotu (kustu moris, kustu propinas no kustu sira seluk) iha Ministériu Finansas Timor-leste.
Akordu kooperasaun hirak ne’e bele realiza ho diak no tuir duni ajenda ne’ebé planeadu tanba hetan apoiu másimu no liña koordenasaun diak entre Gabinete Adidu Edukasaun Timor-leste nian iha Embaixada RDTL iha Lisboa ho Universidade sira iha Portugal.