Diretór Ezekutivu Fundo de Desenvolvimento do Capital Humano (FDCH), Dr. Cristóvão dos Reis,  asina akordu ho Estadus Unidos de America hodi fornese finanseiru ba bolsa-estudu ba estudante Timoroan sira hodi hala’o estudu iha Estadus Unidus liu husi programa Fulbright ba tinan lima oin-mai.

Liu hosi akordu ne’ebe estabelese iha loron 5 Maiu 2023, FDCH sei fornese finanseiru iha tinan 2023 ba estudante na’in tolu hodi hala’o edukasaun iha nivel Mestradu iha Estadus Unidus liuhosi programa Fulbright, ho espetativa fundu ne’e  sei aumenta iha tinan haat tuir mai tantu ba Estadus Unidus no mós Timor-Leste hodi kontinua sai parseira hodi habelar fornesimentu ba bolsa-estudu.

Parseria ida ne’e harii iha Estadus Unidus nia kompromisu tinan naruk hodi fornese bolsa-estudu ba estudante Timoroan hodi hala’o edukasaun no oportunidade programa interkámbiu iha Estadus Unidus hodi promove Timor-Leste nia dezenvolvimentu.

Sesaun foto hamutuk DE FDCH akompaña husi Diretór Nasionál sira iha ST-FDCH, Diretora Jerál Ensiñu Superior kargu Xefia sira ih ST-FDCH ho reprezentante Embaixada EUA iha TL ho ekipa.

Partisipa mós iha serimónia asina akordu ne’e, Diretora Jerál Ensiñu Superior, Diretór Nasionál sira iha ST-FDCH, Koordenadora UPCC-MESCC, Assesor no kargu xefia sira.(Média-FDCH)

Related Post :


Total Viewer : 233 Views || Category: Notisia