DÍLI 14/09/2018 Ministru Ensino Superior Ciênsia e Cultura (MESCC) Sr. Longuinhos dos Santos realiza enkontru ida ho Sekretáriu Ezekutivu Fundo de Desenvolvimento do Capital Humano (FDCH) Sr. Isménio Martins da Silva no Diretór Ezekutivu Agência Nacional para a Avaliação e Acreditação Académica (ANAAA) Sr. Edmundo Viegas iha gabinete MESCC Vilaverde.
Objetivu hosi enkontru ne’e mak atu diskute posibilidade FDCH nian hodi apoiu no finansia programa avaliasaun ba ensinu superior sira iha Timor-Leste ne’ebé ANAAA sei realiza iha tempu besik.
Iha diskusaun ne’e Sekretáriu ezekutivu FDCH Sr. Isménio Martins da Silva hatete ezisténsia FDCH nian atu asegura dezenvolvimentu rekursus umanus iha Timor-Leste tanba ne’e prontu atu asegura orsamentu ba ANAAA hodi realiza programa ne’e.
Enkontru ne’e hola parte mós hosi asesór sira MESCC nian, Koordenadór Gabinete do Plano Peskiza, Fiscalisação e Verifição GAPPEFIV- FDCH Sr. Filomeno Lay no hosi asesóra hosi ANAAA nian.(Media FDCH)