GLENO,13/02/2021. Diretóra Ezekutiva Fundo de Desenvolvimento do Capital Humano (FDCH) Sra. Leila M.L. Cárceres dos Santos akompaña husi ekipa halo vizita ba instituisaun ensinu superior privadu East Timor Coffee Institute (ETCI) iha Munisipiu Ermera.
Objetivu husi vizita ne’e hodi responde ba konvite husi Magnifiku Reitór ETCI Sr. Lucio Marcal Gomes ne’ebé husu FDCH atu fahe informasaun kona-bá servisu FDCH nian no programa bolsa estudu ne’ebé FDCH jere hahú husi 2011 to’o ohin loron.
Durante vizita diretóra Ezekutiva ho ekipa halo enkontru ho Magnifiku Reitór ETCI Sr. Lucio Marcal Gomes ho ninia estrutura no halo mós vizita hodi haree direita fasilidade no laboratóriu ba Tékniku pos kolheitas no prosesamentu Kafé iha ETCI ne’ebé promove laboratóriu treinamentu ba juventude sira iha area kafé nian.
Akompaña Diretora Ezekutiva iha Vizita ne’e Xefe DEMEREP- GAGESI Sr. Maximiano Boavida Pereira, Tékniku Profisionál DEMEREP-GAGESI Joanico D. Guterres no Motorista ST-FDCH Constantino Martins Isaias. (Média_FDCH)