Díli, 20/10/2020, Diretora Ezekutiva Fundo de Desenvolvimento do Capital Humano (FDCH) Sra. Leila M.L. Carceres dos Santos ho ekipa halo monitorizasaun ba atividade formasaun  lian Korea ba foin-sa’e timoroan sira ne’ebé iha interese atu ba servisu iha rai Korea  ne’ebé implementa husi Korean Studies and Languages Program (KSLP) iha Sentru Formasaun Lian Korea Becora.

Atividade monitorizasaun ne’e realiza ho objetivu hodi haree direita lala’ok programa formasaun lian Korea nian ba kandidatu traballadór timoroan sira tanba  formasaun lian Korea ne’e rasik tinan-tinan  finansia husi FDCH liu husi programa formasaun profisionál ba timoroan sira hodi prepara sira ba servisu iha rai-laran no  rai-li’ur.

Durante monitorizasaun Diretora Ezekutiva FDCH ho ekipa halo enkontru ho Diretór Nasionál Emprego Exterior SEFOPE Sr.  Filomeno Soares, no halo mos vizita ba fatin formasaun sira  no  iha oportunidade hanesan akompaña mós ezame ba kandidatu traballadór sira ne’ebé atu ba servisu iha Korea iha area-oin-oin. (Média_FDCH)

Related Post :


Total Viewer : 1663 Views || Category: Notisia