Dili, 29 Setembru 2023. Konsellu Administrasaun ba Fundo de Desenvolvimento do Capital Humano (CA-FDCH sigla iha Portugés) realiza enkontru Konsellu Administrasaun extraordinariu hodi halo diskusaun kona-ba programa bolsa estudu sira ne’ebé sei implementa iha tinan oin (2024). iha sala enkontru Ministra Finansa,  andar 10, Aitarak laran.

Enkontru CA-FDCH ne’e prezide direita husi Sua Exelensia Ministru Planeamentu no Investimentu Estratéjiku (MPIE) nu’udar Prezidente Konsellu Administrasaun ba FDCH Sr. Gastão Francisco de Sousa, iha ne’ebé partisipa mós husi membru permante sira CA-FDCH nian hanesan Ministra Finansa Sra. Santina José Rodrigues F. Viegas Cardoso (membru CA-FDCH) ne’ebé akompaña mós husi Vise Ministra Finansa Sra. Felicia Claudinanda da Cruz Carvalho, Ministru Ensinu Superior Siénsia no Kultura (MESCC) Sr. José Honório da Costa Pereira Jeronimo (membru CA-FDCH), Ministru Justisa Sr. Amandio de Sá Benevides (membru CA-FDCH) no Ministru Petróleu no Rekursus Minerais  Sr. Francisco da Costa Monteiro (membru CA-FDCH).

Prezidente CA-FDCH, Sr. Gastão Francisco  de Sousa hatete enkontru konsellu administrasaun ohin nian haree liu ba programa bolsa estudu no formasaun  liu-liu iha area prioridade ne’ebé governu atu investe hanesan iha area justisa, Saúde,Enjeñaria no area importante sira.

Enkontru CA-FDCH ba dala- 25 ne’e hahú ho aprezentasaun husi Diretór Ezekutivu FDCH Dr. Cristóvão dos Reis ho ekipa téknika husi ST-FDCH, Sr. Hermengildo da Silva kona-ba programa bolsa estudu tuir area prioritáriu sira ne’ebé sei implementa iha iha tinan oin.

Hahú husi 2011-2023 programa bolsa estudu benefisia ona timoroan hamutuk 10,355  husi numéru ne’e sira ne’ebé gradua ona hamutuk 4,554, sira ne’ebé ativu hela sira ninia estudu hamutuk 5,533, sira ne’ebé hetan kanselamentu 261 no sira ne’ebé mate iha prosesu hala’o hela estudu hamutuk 7 .

Partisipa mós iha enkontru CA-FDCH ne’e asesor  sira husi MPIE, MJ, MESCC,  Diretór Jerál INAP,  Diretór Nasionál SEFOPE,  Diretór Nasionál, Asesor no Tékniku sira iha ST-FDCH.(Média-FDCH)

Related Post :


Total Viewer : 507 Views || Category: Notisia