Díli, 19/04/2021. Diretora Ezekutiva Fundo de Desenvolvimento do Capital Humano (FDCH) Sra. Leila Carceres dos Santos akompaña husi Koordenadora GAFRHI -FDCH Sra. Josefina Gonçalves do Nascimento realiza enkontru ho Sekretáriu Jerál Ministériu Negósiu Estranjeiru no Kooperasaun (MNEC) Sr. Embaixadór Jorge Camões ho Diretora Nasionál Rekursu Humanu Sra. Merina Úrsula Xareal iha Gabinete Sekretáriu Jerál MNEC, Praia dos Coqueiros .
Objetivu husi enkontru ne’e hodi koordena servisu liu-liu ba programa formasaun sira ba 2022 nian no programa Estájiu Profisionál ne’ebé FDCH organiza nune’e bele koloka mós estajiáriu sira ba hala’o sira nia estájiu iha MNEC.
Kona-bá programa formasaun sira ba 2022 nian Diretora Ezekutiva FDCH husu ba MNEC atu halo komunikasaun no koordenasaun ho Comissão da Função Publica (CFP) no Instituto Nacional Administração Publica (INAP) tanba ho Dekretu lei nú 13/2020 regulamentu FDCH nian fó kompeténsia ba INAP atu organiza formasaun sira iha rai laran. (Média_FDCH)