Dili,12 Fevereiru 2024. Diretór Ezekutivu ba Fundo de Desenvolvimento do Capital Humano (FDCH), Júlio Aparício akompaña husi Diretór Nasionál Koordenasaun, Ezekusaun ba Programa, Projetu no Jestaun ba Sistema Informasaun (DNKEPPGSI-FDCH), Francisco da Silva Sarmento, Asesóres no ekipa Téknika FDCH, realiza enkontru ho Ministru Ensinu Superior, Siénsia no Kultura (MESCC-sigla iha Portugés), José Honório da Costa Pereira Jerónimo ho dirjente sira, Iha Salaun MESCC.

Objetivu enkontru ne’e atu halo diskusaun no reforsa kooperasaun servisu entre FDCH, MESCC liu-liu ho Unidade Parseria e Cooperação (UPC) no ho Adidu edukasaun sira, nune’e bele hatene dezempeñu akadémiku bolseiru sira nian, tanba ida ne’e mak sai hanesan fatór importante ida oinsá sira atu finaliza sira nia estudu.

Ministru, José Honório da Costa Pereira Jerónimo sujere atu hamenus burokrasia no nafatin servisu hamutuk ho FDCH hodi haree ba bolseiru sira no kontinua halo komunikasaun ida di’ak ho Adidu Edukasaun sira hodi hametin koopersaun ne’ebé diak liutan iha futuru.(Média-FDCH)

Related Post :


Total Viewer : 143 Views || Category: Notisia