Dili, 02 Abril 2024, Konsellu Administrasaun Fundo de Desenvolvimento do Capital Humano (CA-FDCH sigla iha Portugés) realiza enkontru konsellu administrasaun ba dala-29 hodi halo diskusaun no aprovasaun ba programa sira ne’ebé Sekretariadu Tékniku FDCH atu implementa, iha sala enkontru ADN, Bedik hun Fatuhada.

Enkontru Konsellu ne’e prezide husi Ministru Planeamentu Investimentu Estratéjiku, nu’udar Prezidente CA-FDCH, Eng. Gastão Francisco de Sousa ne’ebé partisipa husi Ministru Ensinu Superior, Siénsia no Kultura Sr. José Honório da Costa Pereira Jerónimo (membru Permanente ba CA-FDCH), Ministru Justisa, Sr. Sérgio de Jesus Fernandes da Costa Hornai (membru CA-FDCH), Ministru Petróleu no Rekursus Minerais Sr. Francisco da Costa Monteiro (membru CA-FDCH) no Sekretariu Estadu Formasaun Profisionál no Empregu, Sr. Rógerio Araújo Mendonça (membru CA-FDCH), Diretór Ezekutivu FDCH Júlio Aparício, Prezidente Komisaun Funsaun Públika, Agustinho Letencio de Deus ho nia Komisáriu, Diretór jerál INAP, Peskizadór Dr. Afonso de Almeida, Diretór Nasionál sira Xefe Departamentu husi ST-FDCH no tékniku sira.

Konsellu Administrasaun mak orgaun ida ne’ebé aas liu no halo desizaun iha Sekretáriadu Tekniku FDCH. Papél konsellu nian mak atu fó konsellu ba polítika, aprovasaun no dirasaun kona-ba dezenvolvimentu rekursu umanu iha Timor-Leste nomós programa FDCH no projetu sira iha Timor-Leste.

(Média-FDCH)