Diretór Ezekutivo Fundo de Desenvolvimento do Capital Humano (FDCH), Dr. Cristóvão dos Reis asina akordu kooperasaun ho General Maneger Banku Mandiri, Sr. Hari Nugroho Sujiono iha Salaun Enkontru Knowledge Center.
Objetivu husi estabelese akordu kooperasaun ho Banku Mandiri ne’e hodi fasilita pagamentu custo de vida ba Bolseiru Bolsa Hakbiit tinan 2023, ne’ebé hala’o estudu iha Universidade no Instituisaun Ensinu Superior Públiku no Privadu sira iha rai-laran.
Diretór Ezekutivu FDCH Dr. Cristóvão dos Reis agradese ho konfiansa banku Mandiri nian hodi servisu hamutuk nune’e, bele apoiu fasilita pagamentu ba bolseiru sira ho di’ak no lalais.
Programa Bolsa Hakbiit 2023 ho ninia benefisiairu hamutuk 1.460. husi benefisiairiu ne’e bolseiru na’in 1.137 hala’o estudu iha universidade Instituisaun Ensinu Superior privadu hamutuk 14 no bolseiru hamutuk haat nulu (40) mak hala’o estudu iha universidade publiku rua mak hanesan UNTL ho IPB.
Partisipa iha estabelesimentu akordu kooperasaun ne’e Diretór Nasionál sira husi FDCH hanesan Diretór Nasionál Koordenasaun Ezekusaun Programa, Projetu no Jestaun ba Sistema Informasaun (DNCAPPGSI) Sr. Francisco da Silva Sarmento, Diretór Nasionál Administrasaun Finansa no Rekursu Umanu (DNAFRH) Sr. Evaristo M. P. Horacio, Diretora Nasional Aprovizionamentu (DNA) Sra. Sofia M. de Jesus, Assesor Juridíku FDCH Sr. Tomas Maria Nunes no ekipa teknika sira husi FDCH no Banku Mandiri Dili.(Media_FDCH)