Díli, 20/01/ 2020, Diretora Ezekutiva Fundo de Desenvolvimento do Capital Humano (FDCH), Sra. Leila Carceres dos Santos partisipa no sai sásin ba estabelesimentu akordu protokolu kooperasaun Instituto Defesa Nasional Timor-Leste (IDN) ho Universidade Nasional Timor Lorosa’e (UNTL) .
Protokolu kooperasaun ne’e asina direita husi diretór IDN Profesór Doutór, Donaciano Costa Gomes “Pedro Klamar Fuik” ho Magnífiku Reitor UNTL Profesór Doutór, Francisco Miguel Martins iha Auditoria IDN, Palaçio do Governo.
Ho protokolu kooperasaun ne’e, sei fornese formasaun ba estudante universitáriu sira iha area defeza no seguransa nasionál no ho protokolu kooperasaun ne’e sei intensifika liután IDN ho UNTL ninia atividade no bele mós troka rekursus espesializadu hanesan dosente nomós matéria no silabus ne’ebé IDN ho UNTL iha.
Iha intervensaun Diretora Ezekutiva FDCH Sra. Leila Carceres dos Santos hatete papél FDCH nian mak atu asegura jestaun finanseira iha investimentu públiku liu-liu iha area dezenvolvimentu rekursus umanus nasionál nune’e, FDCH iha kometimentu atu apoiu nafatin programa IDN no UNTL ninian bazeia mós ba orsamentu ne’ebé aloka mai iha FDCH.
Entretantu IND ho UNTL nu’udar instituisaun akreditadu FDCH nian ne’ebé iha priviléjiu hodi asesu ba finanseiru iha FDCH.
Akompaña mós diretora Ezekutiva FDCH iha eventu ne’e koordenadór GAPPEFIV Sr. Hermenegildo da Silva, Xefe Departamentu DEPPEVIP Sra. Maria Rosa, entretantu husi UNTL no IDN partisipa mós husi diretór no kargu xefia sira. (Media FDCH)