Díli, 19/11/2020, Fundo de Desenvolvimento do Capital Humano (FDCH) ofisalmente koloka bolseiru graduadus na’in 23 ne’ebé termina ona sira ninia estudu iha area Peskas no Estudu Marinu iha universidade sira iha Indonesia ho nivel estudu Diploma IV ho III hodi hala’o estájiu profisionál durante fulan neen (6) iha Ministériu Agrikultura no Peska (MAP).
Iha intervensaun Diretora Ezekutiva FDCH Sra. Leila Carceres dos Santos hatete ho estájiu profisionál ne’e nu’udar oportunidade ida ba bolseiru graduadu sira hodi manán esperiénsia servisu tuir area estudu bolseiru ida-idak nian no bele tama mós ba iha merkadu traballu.
Aleinde ne’e Diretór Jerál Interinu MAP Sr. Horacio Amaral Guterres ne’ebé simu estajiáriu hirak ne’e agradese ba FDCH hodi koloka estajiáriu hirak ne’e ba hala’o estájiu iha MAP nune’e, MAP sei koloka estajiáriu sira tuir area estudu ida-idak nian tuir diresaun sira ne’ebé MAP iha.
Estajiáriu hirak ne’e hanesan benefisiariu ba programa bolsa estudu ne’ebé organiza husi Liña Ministerial no hetan apoiu finanseiru husi FDCH .
Serimónia alokasaun estajiariu sira ne’e hala’o iha Salaun MAP Comoro, ne’ebé partisipa husi Koordenadór (GAGESI-FDCH) Sr. Henrique do Rosario, Koordenadora GAFRHI-FDCH Sra. Josefina Goncalves, Diretór Rekursus Umanus MAP ho Asesor sira no ekipa téknika husi FDCH. (Média_FDCH)