Surabaya, 12 Dezembru 2022. Diretór Ezekutivu Fundo de Dezenvolvimento do Capital Humano (FDCH) asina akordu kooperasaun ho Reitor Institut Teknologi Sepuluh Nopember (ITS) ne’ebé reprezenta husi Senior Manager for International Partnership ba ITS, Sr. Astria Nur Irfansyah, Ph.D iha salaun ITS Global Engagement
Partisipasaun iha serimónia asina akordu kooperasaun ne’e ma’ak reprezenta husi International Office (IO), Sra. Dr. Octaviana no Xefe Departamentu Rekursus Umanus ST-FDCH nian, Sr. Virgilio Ramos da Costa.
Objetivu prinsipal husi asina akordu kooperasaun ne’e ma’ak atu kontinua kopera ho parte ITS hodi bele simu estudante Timoroan ne’ebé interese atu ba hala’o sira nia estudu iha nível lisensiatura, mestradu no Doutoramentu iha area estudu hotu iha ITS no sai hanesan enkuadramentu legal ida ba FDCH hodi bele prosesa pagamentu hotu iha Ministériu Finansas Timor-Leste ligadu ho kustu propinas, kustu moris no kustu sira seluk ba bolseirus sira husi Governu Timor-Leste.