Dili, 06/04/2022. Fundo de Desenvolvimento do Capital Humano FDCH realiza serimónia asina kontratu no intrega Bolseirus Bolsa Hakbi’it hamutuk nain 95 ba Institutu Superior Cristal (ISC) ne’ebé maka realiza iha Salaun ISC.

Serimonia entrega bolseiru no asina kontratu simbolika  ne’e asina direita husi Bolseiru sira no hetan Vistu núdar testemuña  husi Magnifiku Reitor ISC Dr. Sebastião Pereira,S.IP,MM no iha tempu badak sei intrega ba iha Direitór Ezekutivu FDCH Dr. Cristovão dos Reis hodi asina.

Hafoin remata  asina kontratu simbolika ho  estudante sira, Chefe de Departamento Media e Relação Puclica (DEMEREP-GAGESI) Maximiano Boavida Pereira ne’ebé maka núdar reprezentante Diretór Ezekutivu FDCH kontinua  intrega Estudante Bolseiru Bolsa Hakbi’it  sira ba Institutu Superior Cristal ne’ebé maka simu direta husi Magnifiku Reitor ISC Dr. Sebastião Pereira,S.IP,MM. Ne’ebé akompaña mós husi Presidente- Executivo da Fudação Cristal Sr. Agostinho dos Santos.

Magnifiku Reitor ISC iha nia intervensaun hato’o nia bem vindo ba Bolseirus sira ne’ebé maka sei hala’o sira nia estudu iha ISC no nia informa mós katak sira hotu senti kontenti tanba Ministeriu Ensinu Superior Siensia no Kultura (MESCC-Sigla Portugés) liu husi FDCH bele entrega estudante hamutuk nain 95 hodi bele mai hala’o estudu iha ISC.

Ami kontente bainhira ita boot sira mai iha ISC no mos ita apresia tanba tinan kotuk mos parte FDCH entrega estudante ne’ebe hetan opportunidade bolsa hakbiit nain 96 mai iha ISC”.  Haktuir Magnifiku Reitor ISC Dr. Sebastião Pereira,S.IP,MM iha nia intervensaun.

Reitor ne’e mós haktuir iha nia intervensaun ba estudante sira katak tengki estuda maka’as nune’e iha prosesu estudu be;e hetan valor ne’ebé diak minimu 3,00 kuandu la to’o husi numeru ne’e signifika sei la simu ona fundus husi FDCH, husu mós estudante sira atu labele kabén uluk no ba estudante bolseirus feto sira atu la bele isin rua durante sei núdar estudante bolseirus.

Husu alin sira tenke estuda makas hodi hetan valor diak no mos ba feto sira la bele isin rua durante tuir aula ka prosesu aprendizajem karik isin rua entaun ita boot sira rasik mak kansela fundua husi FDCH,”. Hatutan husi Dr. Sebastião Dr. Sebastião Pereira,S.IP,MM.

Iha fatin hanesan, reprezentante Diretor Ezekutivu FDCH, Maximiano Boavida Pereira ne’ebé núdar Chefe Departamentu Media no Relasaun Publika iha nia intervensaun hato’o mós Kumprimentus husi Direitor Ezekutivu FDCH ba estrutura ISC no mós ba Estudante sira, nia haktuir mós katak Direitor Ezekutivu la bele marka prezensa iha serimonia ida ne’e tanba hala’o hela atividade intrega Bolseirus sira iha IPB no iha IBTL.

“ Iha biban ne’e permite hau hato’o hela ba ita boot sira hotu saudadoens husi Direitor Ezekutivu FDCH nian, no atu informa hela ba ita boot sira hotu katak, Direitor Ezekutivu la bele marka prezensa iha momentu ida ne’e tanba desloka hela ba iha Munisipiu hodi realiza atividade asina kontratu no intrega bolseirus sira hanesan daudaun ne’e, Direitor Ezekutivu mós kontinua agradese ba ISC tanba kontinua hatudu Kooperasaun servisu ne’ebé diak.” Haktuir Chefe Departamentu Media no Relasaun Publica-FDCH Maximiano Boavida Pereira iha nia intervensaun.

Reprezentante Direitor Ezekutivu FDCH ne’e hatutan mós katak programa Bolsa hakbi’it ne’e núdar Programa ba etapa II nian, tuir nia katak programa etapa I nia maka sira ne’ebé dau-daun ne’e hala’o ona estudu iha ISC no Universidade seluk.

Atividade ida ne’e núdar atividade ba dala rua, programa ida ne’e mosu hafoin VIII governu liu husi MESSK halo planu ida no fundus mak ezekuta entaun programa ida nee realiza  bazeia ba iha Diploma Ministerial nú. 9/2021 10 de Marsu kona-ba regulamentasaun atribuisaun bolsa estudu ba membru familia kbi’it laek ne’ebé maka frekuenta ensinu superior nasionál no sei hetan finansiamentu husi FDCH.” Hatutan Chefe Departamentu Media no Relasaun Publica-FDCH Maximiano Boavida Pereira iha nia intervensaun.

Nia haktuir mós katak Dekretu Lei nú. 13/2020 kona-ba regulamentu FDCH nian ne’ebé haktuir iha artigu 20 hatete ho klaru iha ne’eba katak bolsa estudu sira ne’ebé la’os ba funsionariu públiku ne’e sei sai núdar responsabilidade ST-FDCH nian, no sira ne’ebé funsionariu públiku entaun ne’e kabe ba Funsaun Públika no mós INAP.

Atu Bolseiru Bolsa Hakbi’it sira kontinua kumpri ba sira nia dever núdar Bolseirus maka iha nia reprezentante Direitor Ezekutivu ne’e iha nia intervensaun fo hanoin mós ba estudante sira atu haree ho didiak Klausa sira ne’ebé maka hatúr ona iha kontratu laran, no Kontratu ne’e maka sei kesi metin Estudante sira ho parte FDCH.

Bolseiru Bolsa Hakbi’it hamutuk nain 95 ne’e sei hala’o sira nia estudu iha ISC iha Fakuldade Edukasaun hamutuk ema nain 72 ne’ebé maka fahe ba departamentu Biologia ema nain 12, departamentu Fisica ema nain 11, departamentu Lingua Portugés ema nain 25, departamentu Matematika ema nain 5 no departamentu Quimika ema nain 9. Enkuantu nain 23 sei hala’o estudu iha  fakuldade Sáude ne’ebé maka  nain 11 sei hala’o estudu iha departamentu Parteira no 12 iha departamentu Efermajén.

Serimonia asina kontratu no intrega estudante bolsa hakbi’it ne’e rasik partisipa mós husi Vice Reitor ISC Sr. Jacinto de Oliveira Junior, Chefe Departamentu sira iha ISC, Dosente no Estudante Bolsa Hakbi’it etapa da-uluk.(Media-FDCH)

Related Post :


Total Viewer : 2636 Views || Category: Notisia