Dili/05/07/2018. Atu hatene di’ak liutan  kona-ba papel no servisu Fundo de Desenvolvimento do Capital Humano (FDCH) durante ne’e, Ministru Edukasaun Ensino Superior Siénsia no Kultura, S.E. Sr. Longuinhos dos Santos konvida Sekretáriu Ezekutivu FDCH Sr. Isménio Martins da Silva, ne’ebé mós  akompaña hosi koordenadór GAPPEFIV Filomeno Lay no funsionáriu apoiu Téknika FDCH,  Xanina Miranda hodi realiza enkontru no fahe informasaun kona-ba ezistensia FDCH nian, enkontru ida ne’e rasik  hala’o iha salaun enkontru Ministériu  Edukasaun nian iha loron 05/07/2018 .

Hanesan haktuir hosi Jurista Ministériu Edukasaun Ensino Superior Siénsia no Cultura, Sr. Edelmiro da Cunha katak, Ministru hakarak atu hatene kona-ba fundos ne’e se karik mak Fundos ne’e sei tama iha ministériu foun ida ne’e, Ministériu Edukasaun Ensino Superior Siénsia no Kultura .

“ Ne’ebé hosi parte ministériu  foun ne’e hakarak buka hatene informasaun balun hosi fundos, tanba ita hatene katak ministériu  edukasaun dala barak ko’alia kona-ba bolseirus sira ne’ebé mak iha li’ur dezloka ba li’ur,fundus ne’e mai hosi ida ne’eba, ne’ebé ita nia ministru hakarak rona atividades saida mak durante fundus ne’e halo, e ninia atinji ona to’o iha ne’ebé, iha difikuldade saida mak hasoru, dezafiu saida mak hasoru,ida ne’e mak ministru hakarak”. Hateten Edelmiro da Cunha,Jurista Ministériu Edukasaun Ensino Superior no Cultura.

Hafoin rona tiha intrudusaun hosi Juridiku Ministériu  Edukasaun Ensino Superior Siensia no Kultura, kona-ba saida mak Ministru Edukasaun Ensino Superior Siénsia no Kultura hakarak, nune’e mak Sekretáriu Ezekutivu FDCH Sr. Ismenio Martins da Silva halo aprezentasaun hodi esplika kona-ba Estabelesimentu FDCH no esplika m’os kona-ba Servisu sira ne’ebé mak durante ne’e FDCH halo ona.

“ Hanesan solisita hosi senhor Ministru katak importante atu hatene liu tan servisu fundu ne’e nian ne’ebé que fundu ne’e harii iha 2011, ninia beckground uitoan rajaun tanba saida mak fundu ne’e harii tanba uluk ita iha antes de PEDN, ita iha Plano Dezenvolvimentu Nasional mos hosi I Governu, ne’ebé mak ita nia Governu halo, hanesan istória badak de’it katak, wainhira halo depois de tinan 4 ne’e ita hare katak sidauk bele kontrola ita nia governu tomak iha prosesu Dezenvolvimentu  rekursu umanus, katak formasaun akontese ita la iha kontrolo,ministériu  idak-idak halo ninia,orsamentu,kualidade de orsamentu intermus de planus,ninia implementasaun no mos nia impaktu ne ita la bele haree, susar atu hare, atu kontrola,ne’e liliu ba formasaun”. Hateten Ismenio Martins da Silva, Sekretariu Ezekutivu FDCH.

Sekretariu Ezekutivu ne’e mos hatutan tan iha enkontru ne’e kona-ba saida mak FDCH halo hahu hosi ninia ezistesia to’o agora ne’ebé hakerek ona iha Livro 6 ba iha Ministru Edukasaun Ensinu Superior no Siénsia Cultura.

Hafoin rona tiha apresentasaun hosi Sekretariu Ezekutivu FDCH, Ministru Edukasaun Ensino Superior Siénsia no Kultura ne’e mos hato’o nia agradesimentu ba Sekretariu Ezekutivu tanba bele fahe ona informasaun kona ba FDCH, maibe mesmo tempu Ministru ne’e seidauk bele fó buat saida mak hato’o hosi FDCH, tuir Ministru ne’e katak iha tempu badak nia sei haree tanba nia sei la fo perguntas ka komentariu sobre apresentasaun sira ne’e tanba Ministru ne haree liga liu ba iha lei organiku ne’ebé maka ate agora dadaun seidauk defini lolos katak FDCH lolos atu totela iha ministeriu ida ne’ebé .

“Mezmo tempu draft lei kona ba lei organiku iha ha’u nia meza ona,so que sei haree didi’ak karik mak inkuandu iha aprovasaun ba lei organiku ne los ona iha ha’u nia okos ona ha’u buka tenta para, karik mak iha buat ruma ne’ebé mak ha’u lakompriende ha’u bele husu ita hanesan direitor ezekutivu para atu bele buka komprende didi’ak ninia hun no rohan hosi Fundu de Dezenvolvimentu do Capital Humano, maibe hosi ha’u nia hare perspektiva ne’ebé maka ohin ita aprezenta, di’ak, kapaz,liuhosi ita boot nia apresentasaun”.hateten Ministériu Longuinhos dos Santos.

Iha enkontru ida ne’e, Sekretariu Ezekutivu FDCH ho equipa intrega mos Dokumentus importantes balun ne’ebé produs hosi Sekretariadu Tekniku FDCH ba iha Ministériu  Edukasaun Ensino Superior Siénsia no Cultura. Dokumentus sira ne’e mak hanesan Livro Mapamentu Rekursu Umanu,Livru Avaliasaun Setór Publiku iha Timor Leste, Giao de Formação e Bolsa de Estudo, no mos Relatoriu 5 Anos. (Media FDCH).

Related Post :


Total Viewer : 2884 Views || Category: Notisia