Dili, 12 Fevereiru 2024. Diretór Ezekutivu ba Fundo de desenvolvimento do Capital Humano (FDCH), Júlio Aparício akompaña husi Diretora Nasionál Servisu Pagamentu (DNSP-FDCH), Alexandria da C. Viegas no ekipa téknika realiza enkontru ho Sekretáriu Estadu Formasaun Profisionál no Empregu (SEFOPE), Rógerio Araújo Mendonça ho Dirijente sira SEFOPE nian iha Gabinete Sekretariu Estadu, Caicoli.

Objetivu enkontru ne’e hodi halo diskusaun kona-ba implementasaun progrma formasaun profisionál sira ne’ebé SEFOPE implementa ho finansiamentu husi Fundo de Desenvolvimento do Capital Humano hodi hasa’e kompeténsia ka skills timoroan sira, liu-liu joven feto no mane, bazeia ba ejijénsia merkadu traballu iha rai-laran no rai-li’ur.

SEFOPE nu’udar instituisaun estadu ne’ebé akredita mai iha FDCH, maioria orsamentu ba programa formasaun nian integra hotu iha programa formasaun profisionál hahú husi 2011 mai to’o ohin loron.(Média-FDCH)