Díli,11/06/2019 Reprezentante Nasaun Nova Zelándia liuhosi ninia Adjunta Embaixadora ba Timor-Leste Sra.Gabrielle Isaak ho ninia ekipa halo sorumutu ida ho Sekretáriu Ezekutivu Fundo de Desenvolvimento do Capital Humano (FDCH) Sr. Isménio Martins da Silva  hodi husu apoiu sosializasaun program bolsa estudu no hametin kooperasaun iha futuru.

Sorumutu ne’ebé hala’o iha edifísiu FDCH, Palacio do Governo ne’e ho objetivu  atu husu apoiu FDCH nian hodi sosializa programa bolsa estudu kompletu ho  nivel lisensiadu (S1) no Mestradu (S2) no bolsa estudu tempu besik (General short term Scholarship and short term scholarship) ne’ebé Governu Nova Zelandia fornese  ba timoroan sira iha area sira hanesan Mudansa Klimátika no Meiu Ambiente, Boa Governasaun, Jestaun ba Risku Dezastre, Seguransa alimentar no Agrikultura,  Edukasaun, Lei no Justisa, Ekonomia Resilensia no Setór Privadu,  Informasaun Komunikasaun no Teknolojia, no Turizmu.

Iha diskusaun Sekretáriu Ezekutivu FDCH Sr. Isménio Martins da Silva sujere ba futuru presiza fornese mós bolsa estudu ba area prioridade sira hanesan Saúde no iha area Lei no Justisa nian prefere liu ba timoroan sira atu ba hala’o estudu iha nasaun sira dalen Portugés tanba Timor-Leste ninia lei hakerek ho lian portugés.

Sorumutu ne’e nudár mós parte ida atu hametin liután servisu hamutuk entre FDCH ho Nova Zelándia nian iha futuru liu-liu ba iha dezenvolvimentu rekursus umanus nasaun foun Timor-Leste nian.

Marka prezensa enkontru ne’e mak Koordenadór GASESI Sr. Henrique do Rosário Koordenadora GAFRHI Sra. Leila Carceres, no Xefe Departamentu Peskiza GAPPEFIV-FDCH   Sr. Hermenegildo da Silva. (Média FDCH)

Related Post :


Total Viewer : 331 Views || Category: Notisia