Dili,16 Abríl 2024. Conselho Aministração do Fundo de Desenvolvimento do Capital Humano (CA-FDCH) realiza reuniaun ba dala-30 hodi halo diskusaun ba programa Bolsa Hakbiit, aprovasaun ba proposta pedidu individuál no bolsa parsiál ne’ebé timoroan sira submete mai Fundo de Desenvolvimento do Capital Humano hodi husu apoiu finanseiru ba sira nia estudu. Reuniaun ne’e raliza iha sala enkontru ADN, Bedik hun Fatuhada.
Reuniaun Konsellu ne’e prezide husi Ministru Planeamentu Investimentu Estratéjiku, nu’udar Prezidente CA-FDCH, Eng. Gastão Francisco de Sousa no partisipa husi Ministru Ensinu Superior, Siénsia no Kultura Sr. José Honório da Costa Pereira Jerónimo (membru Permanente ba CA-FDCH), Ministru Justisa, Sr. Sérgio de Jesus Fernandes da Costa Hornai (membru CA-FDCH) no Ministra Finansa Sra. Santina José Rodrigues F. Viegas Cardoso no Diretór Jerál Servisu Korporativus, Nelson Soares Carvalho ne’ebé reprezenta Sekretáriu Estado Formasaun Profisionál Empregu (SEFOPE).
Reuniaun Konsellu Administrasaun ne’e hahú ho aprezentasaun husi Diretór Ezekutivu FDCH, Júlio Aparício ho Diretór Nasionál sira no tékniku ST-FDCH kona-ba Relatóriu Buka Tuir Benefisiáriu (BTB) Bolsa Hakbiit, proposta pedidu individuál no bolsa parsiál.
Hafoin aprezentasaun no halo diskusaun Prezidente CA-FDCH ho membru sira sujere atu hadi’a di’ak liutan relatóriu BTB ba Bolsa Hakbiit no aprezenta fila fali ba CA-FDCH iha tempu besik hodi foti desizaun kona-ba bolseiru bolsa hakbiit ne’ebé daudaun ne’e ativu hela iha instituisaun ensinu superiór publiku no privadu sira.
Entretantu proposta pedidu individuál ho bolsa parsiál ne’ebé aprezenta hetan apresiasaun no aprovasaun husi Prezidente Konsellu Administrasaun ho membru sira bazeia ba area estudu estratéjiku proponente sira nian no valór Indise Prestasaun Komulativu (IPK) ne’ebé di’ak liu.
Partisipa iha reuniaun ne’e Diretór Adjuntu, Asesor sira, Diretór Nasionál sira, Xefe Departamentu no tékniku sira iha ST-FDCH. (Média-FDCH)

Related Post :


Total Viewer : 57 Views || Category: Notisia