Surabaya. 20 Agostu 2022. Diretór Ezekutivu Fundo de Desenvolvimento do Capital Humano(FDCH), Dr. Cristovão dos Reis, Prezidente Konsellu Administrasaun Aeroportu no Navegasaun Aérea Timor-Leste (ANATL, EP) Sr. José Trindade da Cruz, akompaña husi Vogal sira husi ANATL, Koordenadora GAFRHI-FDCH no Xefe DEMEREP-GAGESI FDCH partisipa iha serimónia graduasaun ba graduadus 288 ho diploma III iha Politeknik Penerbanagan Surabaya no asina mós Memorandun of Agrement (MoA) hodi kontinua haruka foinsa’e timoroan sira ba hala’o estudu liuhosi programa bolsa estudu ne’ebé FDCH finansia liuhosi ANATL, EP.
Husi numeru graduadu na’in 288 ne’e, foinsa’e timoroan hamutuk na’in walu( 8 ) mak gradua mós na’in 6 nu’udar benefisiariu ba programa bolsa estudu ne’ebé organiza husi ANATL no finansisia husi FDCH no na’in rua (2) seluk selu rasik husi inan aman.
Bolseiru graduadus na’in 6 ne’e hahú sira nia estudu iha Poltekban iha tinan 2019 nu’udar rekursu primeiru ne’ebé governu liuhosi FDCH investe hodi prepara sira atu servisu iha area aviasaun nian iha ANATL,EP, Area estudu ne’ebé bolseiru sira hala’o sira ninia estudu ba mak
– Air traffic control (ATC) nain 2.
– Airport Electricity na’in 2,
– Airport engineering nain 2
Ho akordu téknika ne’ebé estabelese no selebra husi FDCH, ANATL ho Poltekban nu’udar konkordansia husi parte tolu atu kontinua nafatin loke dalan ba timoroan sira hodi ba hala’o sira nia estudu iha instituisaun ne’e, liuhosi bolsa estudu ne’ebé FDCH atribui liu husi ANATL, EP.
Aleinde ne’e iha tinan ne’e Poltekbang sei simu timoan na’in neen ne’ebé foin lalais pasa ou adimitiku ona iha teste hodi hala’o sira nia estudu iha Poltekbang iha area sira hanesan, Jestaun ba aeroportu , Bombeirus Aeroportu no air navigation engineering.
Bolseiru graduadu sira fila mai sei serivisu iha ANATL,EP hodi kontribui fila-fali matenek sira ne’ebé durante sira hetan tuir sira ida-idak nia area iha instituisaun ensinu superior ne’e. Ba futuru FDCH ho ANATL kontinua tau importansia ba dezenvolvimentu rekursus umanus iha area aviasaun nian hodi bele responde ba nesesidade servisu sira aeroportu nian iha TL. (Média_FDCH)