Iha tinan 2017 liu ba Fundo de Desenvolvimento do Capital Humano (FDCH) halo rekrutamentu bolsa estudu ba Veteranus no Kombatentes nia oan hamutuk nain 52 ne’ebé maka nain 10 ba hala’o estudu iha área medisina Veterinaria nian iha Universidade Udayana Bali (UNUD) no nain 42 ba hala’o estudu iha área enjeñaria nian iha universidade Institut Teknologi Sepuluh Nopember Surabaya (ITS)-Indonézia.
Bolseirus nain 10 ne’ebé ba hala’o estudu iha área medisina Veterinaria nian iha Universidade Udayana Bali (UNUD) remata ona sira nia lisensiatura iha tinan 2021 no daudaun ne’e kontinua hela estudu iha área espesialidade ba programa medisina veterinaria.
Iha parte seluk estudante nain 42 ne’ebé maka hala’o estudu iha Institut Teknologi Sepuluh Nopember Surabaya (ITS)-Indonézia nian nain 3 maka kanseladu ho razaun tanba aproveitamentu eskolar la priense rekezitus ne’ebé maka FDCH fo no lahetan rekomendasaun husi parte ITS, enkuantu nain rua gradua iha tinan 2021 no nain 11 seluk gradua iha fulan Marsu tinan 2022 ho nune’e totál Bolseirus Veteranus no Kombatentes nia oan ne’ebé gradua ona husi ITS hamutuk nain 13 no nain 26 seluk maka seidauk finaliza sira nia estudu.
programa bolsa estudu dahuluk ne’e realiza hafoin hetan tiha aprovasaun iha dia 3 de Outubru 2016 husi Conselho de Administracão ba Fundo do Desenvolvimento do Capital Humanu ne’ebé kompostu husi SE, Kay Rala Xanana Gusmão Ministro do Planeamento e Investimento Estratégico (MPIE ) ne’ebé hanesan mós Prezidente Konsellu Administrasaun FDCH no mós nia membru permanente nain lima hanesan Ministra das Finanacas , Ministru da Educação, Ministru Justiça, Ministru Petroliu no Recursus Minerais no Secretario Estadu Polítika Formasaun Profesionál no Empregu SEPFOPE.
“Bazeia ba kompeténsia ne’ebé atribui ba konsellu adeministrasaun FDCH iha artigu 4 decretro lei númeru 12/2011 23 de Marsu, alteradu no republikadu ho Dekretu-Lei no 11/2015, 03 de Juño deside ona katak liu husi FDCH sei loke vaga ba programa bolsa estudu ba iha rai liur ba de’it Kombatentes no Veteranus nia oan, haktuir mós decreto lei númeru 30/2008 13 de Agostu kona-ba rejime de atribuisaun bolsa estudu no estrangeiro no mós mandatu ne’ebé atribui ba sectreatario FDCH/MPIE haktuir iha pontu 2 artigo 11 iha diploma ministerial númeru 9/2011, 13 de Abril ne’ebé koalia kona-ba bolsa estudu no formasaun iha estranjeiru
programa bolsu estudu ba Kombatentes no Veteranus nia oan ne’e hetan mós aprovasaun husi Parlamentu Nasionál no promulga husi Prezidente da Republika ba Orsamentu Jeral Estadu 2017 hakerek iha orsamentu livru númeru 6 ba fundu espesiais FDCH nian, haktuir iha despacho ministerial númeru 1/MPIE /I 2016 ne’ebé publika iha Jornal da Repúblika no asina husi Ministru MPIE Kay Rala Xanana Gusmão .
Entretantu kritéria ne’ebé aplika ba kandidatu bolseiru tenke Kombatentes no Veteranus nia oan rasik ne’ebé ho tinan mínimu 17 no másimu 30, tenke aprezenta mós fixa Veteranus husi MSS nu’udar Kombatentes no Veteranus nia oan no iha valor di’ak iha sertifikadu ikus Ensinu Sekundariu nian liu-liu iha Siénsia Naturais (IPA)
Prosesu no lalaok rekrutamentu ne’e hahu husi faze selesaun dokumentus hafoin tuir “Test Potensial Akademik” (TPA) no Entrevista. Ekipa juri sira mai husi universidade rua hanesan Institutute Teknologi Sepuluh Nopember Surabaya (ITS) no Universidade Udayana Bali. Alende ne’e kandidatus selesionadu nain 52 rua no molok tama ba prosesu aprendizajen iha aula sira sei hetan uluk bridging course iha ITS no Udayana durante fulan 3 molok hahu ano akadémiku 2017 no ohin loron sira gradua ona.
(Media_FDCH)