Likisa, 23 Abril 2024. Diretór Ezekutivu ba Fundo de Desenvolvimento do Capital Humano (FDCH), Júlio Aparício partisipa iha Serimónia entrega sertifikadu aproveitamentu kursu Lian Portuguêsa Nivel B1 ba Professores Nivel Ensinu na’in ualu nulu resin-haat (84)ne’ebé organiza husi Instituto Nacional de Formação de Docentes e Proffisionais da Educação (INFORDEPE), iha Eskola Sekundáriu Jerál (ESG) publika nú 1 Likisa Vila.
Iha breves palavras Diretór Ezekutivu FDCH hateten, FDCH ninia vizaun mak nu’udar entidade ida atu dezenvolve rekursu umanu ne’ebé forte hodi kontribui no haforsa prosesu dezenvolvimentu Timor-Leste. Iha Matenek nain ida E.F. Schumacher hateten iha nia livru ho titulu “kiik ne’e furak” hateten katak “Dezenvolvimentu labele hahú husi sasán maibé hahú husi ema. Tanba ema mak hun no abut ba riku soin hotu-hotu iha mundu.” Ne’e katak wainhira ema matenek no badaen mak sei hamosu dezenvolvimentu no konstrusaun Estadu ida ne’ebé kualidade no furak ba ema hotu.
“Nu’udar Diretór Ezekutivu husu ba Ita-Boot sira: “Favor ida, tau matan didi’ak ba ita nia estudante sira, matenek iha Timor-Leste iha professores sira nia liman, hahú husi professores ensinu báziku to’o professores ensinu superiór. Favor ida, Ita-Boot sira hetan ona formasaun ba Lingua Portuguesa iha nivel B1, tenke seriu hanorin ita nia oan sira iha ensinu báziku hodi nune’e sira sei la hetan difikuldade iha lian portugues wain hira sira kontinua iha ensinu tuir mai”. DE akresenta tan katak rai ida ne’e di’ak tenke hahú husi professores sira.
Programa kursu lian português ba profesor sira (Programa Pro-Português) realiza ho finansiamentu contra partida ne’ebé finansia hosi Governu Portugal, Instituto Camões no Governu Timor-Leste liuhosi Fundo de Desenvolvimento do Capital Humano no implementa husi Ministériu Edukasaun liu husi INFORDEPE hodi hasa’e koñesimentu lingua portuges ba profesor sira. (Média-FDCH)

Related Post :


Total Viewer : 61 Views || Category: Notisia