DÍLI, 7/02/ 2020,  Diretora Ezekutiva Fundo de Desenvolvimento do Capital Humano (FDCH), Sra. Leila Carceres dos Santos, akompaña mos hosi koordenador GAGESI Sr. Henrique do Rosario, Xefi Departamentu Rekursu Umanu Sr. Virgilio Ramos no Xefi departamentu Plano e verifikasaun Sra. Maria Rosa partisipa iha serimónia Honor of recipients of Fulbright scholarship ne’ebé organiza hosi Embaixada Estadus Unidas Amerika (EUA). Programa ida ne’e rasik realiza iha Suai Room Timor Plaza.

Diretora Ezekutiva FDCH Sra. Leila ML Cárceres dos Santos ne’ebé reprezenta mós Ministru MESCC hodi hato’o intervensaun no  apresiasaun  ba Estadus Unidus Amerika ne’ebé mak fó ona sira nia kontribuisaun  maka’as mai Timor Leste liu-liu iha sétor kapasitasaun rekursu umanus liu hosi programa Fulbright scholarship ne’ebé hahu  iha 2003.

Iha tempu hanesan Diretora Ezekutiva hato’o mós nia gratidaun ba Estadus Unidus ne’ebé mak fó ona oportunidade ba funsionáriu ST- FDCH hodi partisipa  iha programa  International Visitors Leadership Program (IVLP) iha tinan 2019 liu ba.

FDCH kontinua servisu hamutuk ho parte hotu hodi asegura programa dezenvolvimentu ba rekursus umanus liu-liu iha programa Fulbright atu bele aliña ho programa Governu Timor-Leste nian ne’ebé mak identifika ona.

Iha  serimónia Honor of recipients of Fulbright Scholarship ne’e Partisipa direta  hosi Embaixadóra Estadus Unidas Amerika ba Timor-Leste Sra. Kathleen M. Fitzpatrick, reprezentante husi Conoco Philips, ANPM, alumni IVLP no   Fulbright scholarship. (Média FDCH)

Related Post :


Total Viewer : 100 Views || Category: Notisia