Díli, 19 Agostu 2021, Diretor Ezekutivu Fundo de Desenvolvimento do Capital Humano (FDCH-MESCC) Sr. Hermenegildo da Silva iha parte lokraik ne’e kontinua asina kontratu no entrega bolseiru Programa Bolsa Hakbi’it hamutuk na’in 20 hodi hala’o sira nia estudu iha Instituto Profissional de Canossa (IPDC).

Kontratu ne’e asina direita husi Diretór Ezekutivu FDCH ho bolseiru sira no hetan vistu nu’udar testemuña husi Reverendisima Reitor IPDC Madre, Ervina Martins Brito.

Bolseiru na’in 20 ne’e sei hala’o estudu iha área téknika komputasaun, ho nivel estudu lisensiatura ( S1) iha IPDC durante tinan haat no iha posibilidade halo extensaun ba tinan ida de’it.

Partisipa iha serimónia asina kontratu no entrega bolseiru sira programa Bolsa Hakbi’it ba IPDC ne’e, Koordenadór GAPLO-FDCH Sr. Eusebio A. G. Barreto, Xefe Departamentu Planu, Fiskzaliasaun no Verifikasaun (DEPEFIV) Sra. Maria Rosa no ekipa teknika husi ST-FDCH no ekipa husi IPDC. (Média_FDCH)

Related Post :


Total Viewer : 1492 Views || Category: Notisia