Dili, 06 Marsu 2024. Diretór Ezekutivu ba Fundo Desenvolvimento do Capital Humano (FDCH), Júlio Aparício  ho Diretór Ezekutivu Centro Nacional Chega (CNC), Hugo Maria Fernandes asina ona Nota Entendemento servisu hamatuk entre instituisaun estadu rua  iha atribuisaun bolsa estudu ba kombatente no sobrevivente nia oan sira, iha salaun CNC – Balide.

Nota entendementu ne’e estabelese ho objetivu hodi fó oportunidade ba sobriventi nia oan sira atu  kontinua sira nia estudu iha nivel ensinu superiór iha rai-laran ne’ebé sei hahú iha tinan ne’e.

Tuir planu programa bolsa estudu ne’e sei hahú  iha tinan ne’e ho benefisiariu bolseiru  na’in  sanulu resin-rua (12)  no  FDCH  ho CNC  sei forma ekipa ida hodi halo verifikasaun atu implementa planu sira ho di’ak, tan ne’e iha tempu hanesan, FDCH mós husu disponibilidae CNC atu bele fornese dadus veteranus, martires no sobrivivente ne’ebé iha mai FDCH nune’e bele halo uluk identifikasuan inisiál.

Partisipa iha atividade estabelesimentu nota entendimentu ne’e Asesor Juridiku  ST-FDCH, Tomas Maria Nunes, Asesora Teknika ST-FDCH, Tekniku Espesializa Operasional, Rogerio Inacio Sequeira Miranda Lay, Dirijente sira husi CNC no Média Nasionál sira. (Média-FDCH)

 DE FDCH, Júlio Aparício  ho DE CNC, Hugo Maria Fernandes asina Nota Entendementu konkordansia atribui bolsa estudu ba sobrevivente nia oan sira, 06/3/2024.

 

Related Post :


Total Viewer : 157 Views || Category: Notisia