Díli, 27 outubru 2022, Diretor Ezekutivu Fundu Dezenvolvimentu Kapital Umano Dr. Cristovão dos Reis, reprezenta S.E Ministru Ensinu Superiór Siénsia no Kultura(MESSK) Sr. Longuinhos dos Santos halo despedida ho estudante timoroan na’in 59 ne’ebé atu fila-fali ba kontinua sira nia estudu iha nasaun Xina, iha salaun Novo Turismo Lecidere.

Iha seremónia ne’e Diretór Ezekutivu FDCH, Dr. Cristovão dos Reis hato’o Ministru Ensinu Seperiór Siénsia no Kultura ninia parabens ba estudante sira ne’ebe hetan fila-fali sira nia oportunidade hodi ba kontinua sira nia estudu iha país Xina no husu ba estudante sira atu konsentra iha sira ninia estudu hodi fila mai lori rezultadu di’ak ba ita nia rai doben Timor-Leste.

Orsamentu ne’ebé FDCH apoiu ba regresso bolseiru sira ho montante $ 241. 900. ne’ebé apoiu ba billete aviaun no kustu kuarentina ba bolseiru Timor-Oan ne’ebé hetan bolsa estudu husi Governu Xina hamutuk 59.

Bolseiru hirak ne’e fila mai Timor-Leste iha tempu nasaun hotu iha mundu enfrenta problema pandemia COVID 19 no iha mementu ne’ebá Governu Timor-Leste koopera ho Governu Nova Zelandia hodi fasilita estudante sira ne’e fila mai Timor-Leste.

Partisipa mos iha serimonia despedida ne’e Embaixador Xina ba Timor Leste Sr.Dr. Xião Jiangou, Diretor Nasional ba Asuntu Komsular Sr Erminio da Silva Pinto, Xefi Gabinete Primeiru Ministru Sr Azevedo Lourenço da Costa Marçal, Assesór Nasional hosi MESSK Dr. Rui Hanjam no kargu Xefia sira, jurista, no funsionariu hosi ST- FDCH.

FDCH kontinua servisu hamutuk ho Ministériu Ensinu Superior Siénsia no Kultura hodi fó apoiu ba bolseiru sira bainhira sira hala’o sira ninia estudu iha rai-li’ur. (Média FDCH).

 

Related Post :


Total Viewer : 59 Views || Category: Notisia