DÍLI, 27 /09/ 2019, Fundo de Desenvolvimentu do Capital Humano ho Fundasaun Falur Rate Laek halo serimónia despedida ho joven timoroan na’in 18 ne’ebé selesiona molok sira dezloka ba hala’o sira ninia estudu iha Escola Profissional de Tondela no Escola Europeia de Ensino Profissional Manuel Rodrígues Suarez em Braga, iha Portugal.

Sekretáriu Ezekutivu FDCH Sr.  Isménio Martins da Silva husu ba estudante joven timoroan hirak ne’e atu konsentra iha sira nia estudu no FDCH apoiu sira atu ba hala’o sira nia estudu iha Portugal tanba timoroan hirak ne’e ba hala’o estudu iha area tékniku nian ne’ebé sei hatuur sira ninia futuru ida ne’ebé di’ak.

Entretantu Prezidente Fundasaun Falur Rate Laek, Brigadeiru Jeneral Falur Rate Laek husu ba timoroan hira ne’e atu kuda nafatin espíritu nasionalizmu nasaun foun ne’e nian iha sira ida-idak nia fuan hodi konsentra ba sira nia estudu.

Programa haruka timoroan sira ba hala’o estudu iha Portugal ne’e hahú iha 2014 tanba ne’e to’o ohin loron konsege haruka ona joven timoroan na’in 50 resin, hosi númeru ne’e bainhira sira termina sira nia estudu balun fila ona mai servisu iha Timor-Leste, balun hili kontinua sira nia estudu iha ensinu superior no balun hili halo servisu iha rai-laran no rai-li’ur.

Serimónia despedida ne’e hala’o iha salaun Centro de Conhecimento FDCH, ne’ebé hetan mós patisipasain hosi inan aman sira, eis Embaixadora Timor-Leste ba Portugal Sra. Maria Paixão, Promotora husi Uniaun Europea Sra. Lucia  no responsavel sira hosi Fundasaun Falur Rate Laek (Média FDCH)

Related Post :


Total Viewer : 289 Views || Category: Notisia