Ekipa husi Sekretariadu Tékniku-Fundo de Desenvolvimento do Capital Humano (ST-FDCH) ne’ebé xefia husi Sr. Atanásio Soares_Técnico Jurídico do DNPPMF, Sra. Dina de Jesus Branco_Técnico Profissional Bolsa de Estudo do DNCEPGSI, Sr. Prudêncio A. Dias Ribeiro_ Técnico Profissional do Monitorização e Fiscalização do DNPPMF Sr. José Paulo de Sousa Gracia_ Chefe Departemento da Administração e Finanças do DNAFRH no Sr. Januario Fernandes_ Técnico Profissional do Monitorização e Fiscalização do DNPPMF realiza monitorizasaun no fiskalizasaun durante loron rua, hahú hiusi 29-30 Agostu 2023 ba Bolseiru na’in haat nulu-resin-haat 44 ne’ebé daudaun ne’e hala’o hela sira ninia estudu iha Institut Ilmu Kesehatan (IIK) Bhakti Wiyata, Kediri-Indonézia.
Objetivos prinsipál husi monitorizasaun no fiskalizasaun ne’e maka hodi buka hatene progresu estudu bolseiros no haree direita kondisaun moris no hela fatin bolseiru sira nian tanba bolseiru sira ne’e hetan bolsa estudu husi Governu Timor-Leste ne’ebé organiza husi Ministériu Saúde no finansia liuhusi Fundo de Desenvolvimento do Capital Humano.
Durante monitorizasaun no fiskalizasaun ekipa realiza enkontru ho estrutura retoria IIK Bahkti Wiyata Kediri, hodi hato’o mos objetivo monitorizasaun au mezmu tempu rona mos preokupasaun, dezafiu no problema sira ne’ebé estudantes sira hasoru durante prosesu estudu.
Bolseiru bolsa de estudo ne’ebé hala’o sira ninia estudu iha IIK Bhakti Wiyata, Kediri-Indonesia hamutuk haat-nulu-resin-haat (44) ne’ebé foti kursu espesializada Dentária ka (profesi dokter Gigi) ho nível estudo lisensiatura (S1).(Media-FDCH)