Díli, Diretór Ezekutivu Fundo de Desenvolvimento do Capital Humano (FDCH) Dr. Cristovão dos Reis akompaña hosi Koordenadores, Xefe Departamentus no Asesor sira  realiza enkontru ho Embaixador Brazil Timor-Leste Sr. Mauricio Medeiros de Assis ho ekipa iha salaun  Knowladge Center FDCH,  Sesta, 17 Juñu 2022.

Objetivu hosi enkontru ne’e hodi  deskute posibilidade kooperasaun entre FDCH ho Embaixada Brazil iha Timor-Leste liga ho programa bolsa estudu ne’ebé Governu Timor-Leste oferese ba timoroan sira no Governu  Brazil oferese ba timoroan sira hodi ba hala’o estudu iha universidade públiku sira iha rai Brazil.

Tuir dadus ne’ebé rejistu iha FDCH ninia sistema Beneficiary Management Information System (BMIS) hahú husi 2011 mai to’o ohin loron benefisiariu bolsa estudu ne’ebé hala’o sira ninia estudu iha rai Brazil hamutuk 271, husi numeru ne’e  bolseirus ne’ebé gradua ona hamutuk 204 , sei ativu 45 no kansela 22, no bolseiru hirak ne’e hala’o sira ninia estudu iha universidade publiku no privadu hamutuk 40 iha rai Brazil.

Kona-bá investimentu Governu Timor-Leste nian liu husi FDCH iha programa Bolsa estudu ba Timoroan sira, hahú husi 2011- 2022, rejista ona timoroan 7,719, ne’ebé hetan bolsa hodi ba hala’o sira nia estudu iha nasaun oi-oin inklui Timor-Leste, no husi numeru ne’ebé temi iha leten bolseiru 4,213 mak gradua ona, bolseiru ne’ebé sei ativu 3,248, kanseladu  251 no  mate 7.

Ohin loron númeru bolseiru ativu rejistu barak liu iha rai laran, hafoin FDCH implementa tiha programa Bolsa Estudu Hakbi’it iha 2021-2022 ho benefisiariu 1852  no bolsa parsial 2022  ho númeru  benefisiariu 1000.

Aleinde ne’e tuir planu iha tinan oin 2023 FDCH sei atribuitan bolsa Hakbi’it ba familia kbiit laek sira hodi asesu ba banku universitariu no bolsa parsial ba publiku timoroan hotu hodi asesu ba hala’o sira ninia estudu iha universidade no instituisaun ensinu superior sira iha rai-laran.(*)

Related Post :


Total Viewer : 266 Views || Category: Notisia