Dili, 23/04/2018. Funsionáriu Fundo de Desenvolvimento do Capital Humano (FDCH) iha loron segunda feira semana ne’e (23/4) partisipa iha formasaun kona-bá Monitorizasaun no Avaliasaun iha salaun Pusat Budaya Indonesia (PBI) Dili.

Objetivu husi formasaun ne’e mak atu kapasita no hasa’e liutan funsionáriu sira nia koñesimentu kona-bá Monitorizasaun no Avaliasaun.

Formasaun ne’e realiza tanba servisu hamutuk entre Fundo de Desemvolvimento do Capital Humano (FDCH) ho Landi Institute, Bali-Indonesia liuhusi akordu formasaun ida ne’ebé hala’o iha loron 9 Abríl 2018.

Tuir oráriu, formasaun ne’e sei hala’o fazeadamente ba grupu rua (2) husi FDCH. Grupu 1 hamutuk ema na’in 7. Grupu ne’e sei tuir formasaun iha loron 23 to’o 26 Abríl 2018, no grupu 2 kompostu husi ema na’in 13 no sei hahú formasaun iha loron 14 -17 Maiu 2018.

Enkuantu formadores sira ne’ebé atu fó formasaun ne’e mai husi Landi Institute, Bali-Indonesia.(Media FDCH)

Related Post :


Total Viewer : 681 Views || Category: Notisia