Díli, 14/10/2019, Coordenadora Gabinete da Administração Finanças e Recursos Humanos Internos (GAFRHI) Sra. Leila Carceres dos Santos reprezenta Sekretáriu Ezekutivu Fundo de Desenvolvimento do Capital Humano partisipa iha serimónia despedida ho bolseiru Timoroan na’in 10 ne’ebé atu ba hala’o estudu iha Cambodia.
Bolsa-estudu ne’e oferese hosi Governu Cambodia liuhosi programa Cambodia-Timor-Leste Friendship Scholarship ho nivel lisensiatura, ba tinan ne’e fornese uluk ba timoroan na’in 10, ne’ebé kompostu hosi mane na’in 8 no feto na’in 2.
Bolseiru hirak ne’e sei ba hala’o sira nia estudu iha area tolu hanesan: 1). Relasaun Internasionál, 2). Negósiu Internasionál no 3). Administrasaun Eskolár.
Serimónia despedida ne’e hala’o iha sala reuniaun Ministériu Ensinu Superior Siénsia no Kultura, Kolmera.
Ministru Ensinu Superior Siénsia no Kultura S.E. Sr. Longuinhos dos Santos husu ba bolseiru sira atu konsentra iha sira ninia estudu hodi fila mai apoiu ba dezenvolvimentu Timor-Leste.
Entretantu prosesu rekrutamentu no selesaun ba bolseiru sira hala’o hosi Ministériu Ensinu Superior Siénsia no Kultura (Sigla Portuges -MESCC) ho instituisaun tuteladu sira inklui FDCH.
FDCH kontinua servisu hamutuk ho Ministériu Ensinu Superior Siénsia no Kultura hodi fó apoiu ba bolseiru sira bainhira sira hala’o sira ninia estudu iha rai-li’ur. (Média FDCH)